भानु माविको ७५औँ वार्षिक उत्सव सम्पन्न



साहारा लङवा लिम्बू

ताप्लेजुङ । ताप्लेजुङ जिल्लाको नमुना विद्यालयको रुपमा रहेको भानु जन माध्यमिक विद्यालयको ७५औँ वार्षिक उत्सव सम्पन्न भएको छ । स्थापनाको ७५औं वर्ष पुगेको अवसरमा फागुन २ गते पूर्व मन्त्री तथा प्रतिनिधि सभा सदस्य योगेश कुमार भट्टराईले उद्घाटन गर्नुभएको उक्त उत्सव जिल्ला समन्वय समिति प्रमुख छिरिङ् लामाको प्रमुख आथित्यतामा सम्पन्न भएको हो ।

वार्षिक उत्सव कार्यक्रममा भानु जन मा.वि. का भूतपूर्व प्रधानाध्यापक, भूतपूर्व विद्यालय व्यवस्थापन समिति अध्यक्ष तथा पदाधिकारी, भूतपूर्व शिक्षक, जग्गा दाता, चन्दा दाता, अभिभावक, भूतपूर्व विधार्थी एवं सरोकारवालाहरूलाई सम्मान गरिएको छ । यस्तै वर्तमान ४ जना शिक्षकहरूलाई जनही ५ हजारको दरले सम्मान गरिएको छ । जसमा मैया देवी थापा, संखर श्रेष्ठ, सोएक्षा गुरुङ र पूरुषोतम दाहाललाई सम्मान गरिएको हो । साथै विद्यालयका पूर्व कर्मचारी बुद्धिमान मादेनलाई पनि नगद ५० हजारसहित सम्मान गरिएको छ ।

वार्षिक उत्सव कार्यक्रमा माध्यमिक विद्यालय स्तरीय भलिबल प्रतियोगिता, माध्यमिक विद्यालय स्तरीय हाजिरी जवाफ प्रतियोगितासहित सांस्कृतिक कार्यक्रम समेत भएको छ ।  हाजिरी जवाफ प्रतियोगितामा लिटल बुद्ध बोर्डिङ स्कुल प्रथम भएको छ । प्रतियोगिताको दोस्रो कञ्चनजङ्घा बोर्डिङ स्कुल भएको छ भने, भानु मा.वि. र मयाम मा.वि. फुरूम्बु तेस्रो भएको छ । फुङलिङ नगरपालिका भित्रका माध्यमिक विद्यालयहरूको सहभागिता रहेको थियो ।

भलिबल प्रतियोगिताको छात्रा तर्फको उपाधि भानु मा.वि.ले हात पारेको छ । कञ्चनजङ्घा बोर्डिङ स्कुललाई सोझो सेटमा पराजित गर्दै भानु विजयी भएको हो । यस्तै छात्र तर्फको उपाधि पनि भानु मा.वि.ले नै हात पारेको छ । भानु मा.वि. ‘बी’लाई पराजित गर्दै भानु ‘ए’ ले उपाधि हात पारेको हो ।

वार्षिक उत्सवको अवसरमा ताप्लेजुङको शिरैमा सेतो जहार बोलको गीति वृत्तचित्र पनि बिमोचन गरिएको छ । सहायक प्रमूख जिल्ला अधिकारी टंक भट्टराईले लेख्नुभएको गायक तथा इन्जिनियर विरेन्द्र श्रेष्ठ र गायिका मिलन नेवारको आवाजमा रहेको उक्त गीति वृत्तचित्र विमोचन गरिएको हो । यो सँगै पुण्यप्रसाद खलेरद्धारा लिखित ‘पुण्यप्रसादका कथा’ पुस्तक पनि विमोचन गरिएको छ ।

२००६ सालमा स्थापना भएको विद्यालयले हाल अंग्रेजी तथा नेपाली दुवै माध्यमहरुबाट पठनपाठन गरि रहको छ भने विद्यालयमा जिल्लामै पहिलो पटक सङ्गीतको कक्षा पनि सञ्चालनमा रहेको छ । प्राविधिक धारका सिभिल इन्जिनियरिङ सहित साइन्स एवं विभिन्न विषयहरूको अध्ययन पनि गर्न सकिने भएकाले हाल विद्यार्थी तथा अभिभावकको पहिलो रोजाईमा पर्ने गरेको विद्यालयले दावी गरेको छ ।

विद्यालयमा हाल बाल कक्षा देखि कक्षा १२ सम्म २ हजार बढि विद्यार्थी अध्ययन गरिरहेको विद्यालयले जनाएको छ । विद्यालयमा केही समय अघिबाट जिल्लामा नै पहिलो पटक आईटी एकेडेमी बनेको छ भने उक्त एकेडेमीबाट ग्राफिक्स डिजाइनिङका कक्षा समेत सञ्चालन भई रहेको छ ।

प्रकाशित मिति : ४ फाल्गुन २०८०, शुक्रबार  १ : ४३ बजे

सदस्यता सम्बन्धीको निर्णयमा प्रेस चौतारी र युनियन ताप्लेजुङको आपत्ती, चरणबद्ध आन्दोलनमा जाने चेतावनी

साहारा लङ्वा लिम्बू ताप्लेजुङ । नेपाल पत्रकार महासंघ ताप्लेजुङ शाखाले

सदस्यता सम्बन्धी निर्णय नसचिएसम्म निर्वाचन कार्यक्रम अघि नबढाउने पत्रकार महासंघ ताप्लेजुङको निर्णय

ताप्लेजुङ । नेपाल पत्रकार महासंघ ताप्लेजुङ शाखाले केन्द्रीय समितिले पत्रकारिता

ताप्लेजुङमा दुई चरणमा आईपिभि खोप प्रदान गरिँदै, साढे छ हजार बालबालिका लाभान्वित हुने

साहारा लङ्वा लिम्बू ताप्लेजुङ । भोलिदेखि देशैभर सुरुहुने आईपिभि खोप

ताप्लेजुङबाट झापातर्फ प्रस्थान गरेको सवारी दुर्घटनामा एकको ज्यान गयो

पाँचथर – मेचीराजमार्ग अन्तर्गत हिलिहाङ ७ हेवाखोल नजिक शुक्रबार साँझ सवारी दुघर्टना

कोरोना भाइरसका कारण बन्द भएको टिपताला नाका पाँच वर्षपछि खुल्यो

ताप्लेजुङ । नेपाल र चीनको स्वशासित क्षेत्र तिब्बतको सिमाना टिपताला