साहारा लङ्वा लिम्बू
ताप्लेजुङ । भानुजन माविको ७५औं जन्म जयन्तीको अवसर पारि सोही विद्यालयका पूर्व विद्यार्थी इन्जिनियर वीरेन्द्र श्रेष्ठले स्वरबद्ध गरेको गीत ताप्लेजुङको शिरैमा सेतो जुहार बोलको गीत सार्वजनिक भएको छ ।
यो गीतको अडियो तर्फ, वरिष्ठ साहित्यकार तथा ताप्लेजुङका सहायक प्रजिअ गीतकार टंक भट्टराईको शब्द, शंकर थापा (स्माइल) को संगीत, इ. विश्व अधिकारीको संगीत संयोजन, किशोर थापाको मिक्समास्टर र चर्चित गायिका तथा द भ्वाइसका ज्यूरी मिलन नेवार र इ. वीरेन्द्र श्रेष्ठको स्वर रहेको छ ।
![](https://i0.wp.com/radiokabeli.com/wp-content/uploads/2024/02/336c0c6e-dfe5-48f6-8fdd-4b9e39c1783f.jpg?resize=720%2C358&ssl=1)
ताप्लेजुङको उच्च हिमाली क्षेत्र कञ्चनजंघा, कुम्भकर्ण, सिन्जेमा ताल, ओलाङचुङगोला, दिक्की छ्योलिङ गुम्बा, तिम्बुङ पोखरी, फुङफङे झरना, तिनजुरे मिल्के लगायत जिल्लाका सबै पालिकाहरूलाई समेत यो भिडियोमा समेटिएको छ ।
जातीय विविधता अनुरूपकै सांस्कृतिक र मौलिक चलन साथै नृत्यहरुलाई समेटेर बनाइएको यो गीति वृत्तचित्रको छायांकनलाई दुई भागमा विभाजन गरेर बनाएको बताउँछन् यसै वृत्तचित्रका निर्माण संयोजक हर्कराज गुरुङ । वृत्तचित्र तर्फको छायांकन केशव अधिकारी र प्रकाश बस्नेतले सम्पादन गरेका छन् भने सांस्कृतिक तर्फको छायांकन सुभाष लिम्बूले गरेका छन् ।
![](https://i0.wp.com/radiokabeli.com/wp-content/uploads/2024/02/25e81f35-4df0-40e2-9d0d-80f2597f1689.jpg?resize=720%2C332&ssl=1)
ताप्लेजुङका माननीय लिलादेवी बोखिम, पूर्व मन्त्री बलबहादुर साम्सोहाङ, प्रजिअ हिरादेवी पौडेल, नगर उपप्रमुख भिमादेवी ओझा, घनेन्द्र मादेन, कृतीमान मादेन लगायत जिल्लाका प्रबुद्ध ६ दर्जन व्यक्तित्वहरू र मोडल दिनेश लिङ्खिम, प्रिती थलङ, प्रिन्स लिम्बू, कुमार वनेम, अस्मि मादेन, दिलिचा खवास, हिमा बराईली, हिना राई, निशा राईले अभिनय गरेका छन् । लिटल बुद्ध आवाशिय विद्यालयका ३१ जना विद्यार्थी र भानुजन माविका १० जना विद्यार्थीहरूले कोरस नृत्य गरेका छन् । आनि साक्थीम कला प्रशिक्षण केन्द्र ताप्लेजुङका २० जना केलाङ कलाकारले समेत आफ्नो नृत्य प्रस्तुत गरेका छन् ।
भिडियोको कोरियाग्राफी देउमान प्रताप पालुङवा र गंगा श्रेष्ठले गरेका छन् । ७५औं जन्मजयन्तीको उद्घाटन सत्र सँगै विमोचन गरिएको गीति वृत्तचित्र भावसागर इन्टरटेनमेन्ट युट्युब च्यानलबाट सार्वजनिक भएको छ ।
(भिडियो)
प्रतिक्रिया