मैवाखोला गाउँपालिकाद्धारा उन्नत मुर्रा राँगा वितरण

रेडियो काबेली
ताप्लेजुङ । ताप्लेजुङको मैवाखोला गाउँपालिकाले भैँसीको नश्ल सुधारका लागि उन्नत जातको ५० प्रतिशत मुर्रा राँगा वितरण गरेको छ । गाउँपालिका प्रवक्ता तथा वडा नं. १ का अध्यक्ष चन्द्र तामाङका अुनसार पालिकाको आर्थिक वर्ष २०८०÷८१ को स्वीकृत कार्यक्रम अन्तरगत वडा नं. १ को साँझ बिहानी कृषि तथा पशुपन्क्षी फर्मलाई राँगा वितरण गरिएको हो । उक्त मुर्रा राँगाबाट नश्ल सुधारका साथै मासु, दुग्धजन्य पदार्थहरु उत्पादन गरि वडाको जनताको जिवनस्तर उकास्न साथै व्यवसाय गर्न थप सहयोग विश्वास गाउँपालिकाको रहेको छ ।