अनेरास्ववियु ताप्लेजुङको अध्यक्षमा विबेक बानियाँ

रेडियो काबेली

ताप्लेजुङ । अखिल नेपाल राष्ट्रिय स्वतन्त्र विद्यार्थी युनियन (अनेरास्ववियु) ताप्लेजुङको अध्यक्षमा विबेक बानियाँ चयन भएका छन् । अनेरास्ववियुको २३ औँ जिल्ला अधिवेशनबाट बानियाँको नेतृत्वमा २९ सदस्यीय जिल्ला कमिटी गठन भएको हो । त्यस्तै उपाध्यक्षमा प्रदिप गुरुङ (पब्लिक) र मिलन प्रधान सचिबमा अमित काङ्भा, सह–सचिबमा मन कुमार तेङबुङ, बिनायक सेन्दाङ, जानुका पौडेल, सुजन तिम्सिना र कोषाध्यक्ष सनुजा गौतम सर्वसम्मत चयन भएका छन् ।

“ताप्लेजुङमा सबैका लागि शिक्षा हाम्रो आह्वान सार्वजनिक शिक्षा सुधारका लागि अनेरास्ववियुको अभियान” भन्ने मूल नाराका साथ अनेरास्ववियुका केन्द्रीय कमिटीका अध्यक्ष समिक बडालको प्रमुख आतिथ्यतामा शुक्रबारबाट सुरु भएको अधिवेशन आज जिल्ला कमिटी चयन गर्दै सकिएको छ । अधिवेशन आयोजक कमिटीले यस अघि नै ताप्लेजुङको ३८ वटा मावि कमिटी, ९ वटा पालिका कमिटी र १ वटा क्याम्पस कमिटी गठन भने सम्पन्न गरेको छ ।