हिमालयन रि र नेपाल रि इन्स्योरेन्सको पूँजी बढाउने तयारीमा प्राधिकरण, कति पुग्ला ?



नेपाल बीमा प्राधिकरणले दुई स्वदेशी पुनर्बीमा कम्पनीको चुक्तापुँजी बृद्धि गर्ने तयारी गरेको छ । प्राधिकरणले नेपाल पुनर्बीमा कम्पनी र हिमालयन रि इन्स्योरेन्सको हालको पूँजीले जोखिम भार थेग्न नसक्ने बताउँदै स्वधारण क्षमता वृद्धिको लागि पूँजी बढाउन आवश्यक रहेको जनाएको छ ।

नेपाल रि र हिमालयन रि इन्स्योरेन्सको बढ्दो कारोबार र जोखिमको बढ्दो आकारसँगै चुक्तापूँजी समेत वृद्धि गर्नुपर्ने बीमा प्राधिकरणका उप–निर्देशक शाम्भराज लामिछानेले बताए । ‘जीवन र निर्जीवन बीमा कम्पनीको पूँजी बढेसँगै पुनर्बीमा कम्पनीहरुको पनि पूँजी बढाउनुपर्ने आवश्यक देखिएको छ’ उनले भने, ‘दुई पुनर्बीमा कम्पनीको स्वजोखिम भार घटाउन न्यूनतम चुक्तापूँजी वृद्धि गर्नुपर्ने निष्कर्ष सहितको प्रतिवेदन तयार भइसकेको छ । यसबारे आगामी बोर्ड बैठकबाट अन्तिम निर्णय हुनेछ ।’

साथै हाल पुनर्बीमा कम्पनीहरुको पुनर्बीमा कारोबार र जोखिमको आकारअनुसार चुक्तापूँजी दोब्बर बढाउनुपर्ने आवश्यक रहेको उनले बताए । हाल नेपाल पुनर्बीमा कम्पनीको चुक्तापूँजी १२ अर्ब ३१ करोड रुपैयाँ र हिमालयन रि इन्स्योरेन्सको चुक्तापूँजी आईपीओपश्चात् १० अर्ब रुपैयाँ छ । दुबै कम्पनीको पूँजी दोब्बरले वृद्धि गर्नुपर्ने भएमा हिमालयन रि र नेपाल रि को पूँजी २० अर्ब भन्दा बढी पुग्नेछ ।

केही समयअघि प्राधिकरणका अध्यक्ष सुर्यप्रसाद सिलवालले पनि एक सार्वजनिक कार्यक्रममा नेपाल पुनर्बीमा कम्पनीहरुको पूँजी बढाउन आवश्यक रहेको बताएका थिए । लाइफ र नन–लाइफ इन्स्योरेन्सले जस्तै पुनर्बीमा कम्पनीहरुले पनि रिक्स वेसको आधारमा पूँजी बढाउनुपर्ने भएकाले पूँजी वृद्धिको निर्णयमा प्राधिकरण धेरै चाँडो अगाडी पुग्ने सिलवालको भनाई छ ।

प्रकाशित मिति : १५ माघ २०८०, सोमबार  १० : ४० बजे

ताप्लेजुङमा दुई चरणमा आईपिभि खोप प्रदान गरिँदै, साढे छ हजार बालबालिका लाभान्वित हुने

साहारा लङ्वा लिम्बू ताप्लेजुङ । भोलिदेखि देशैभर सुरुहुने आईपिभि खोप

ताप्लेजुङबाट झापातर्फ प्रस्थान गरेको सवारी दुर्घटनामा एकको ज्यान गयो

पाँचथर – मेचीराजमार्ग अन्तर्गत हिलिहाङ ७ हेवाखोल नजिक शुक्रबार साँझ सवारी दुघर्टना

कोरोना भाइरसका कारण बन्द भएको टिपताला नाका पाँच वर्षपछि खुल्यो

ताप्लेजुङ । नेपाल र चीनको स्वशासित क्षेत्र तिब्बतको सिमाना टिपताला

ताप्लेजुङको फुङलिङमा प्राकृतिक रुपमा उम्रिएका गाँजा नष्ट गरियो

साहारा लङ्वा लिम्बू ताप्लेजुङ । ताप्लेजुङको फुङलिङमा प्राकृतिक रुपमा उम्रिएका

शान्ति आधारभुत विद्यालयका बिद्यार्थीहरुलाई ट्रयाक सुट र झोला वितरण

ताप्लेजुङ । फुङलिङ नगरपालिका २ स्थित शान्ति आधारभुत विद्यालयका विद्यार्थीहरुलाई