रेडियो काबेली
ताप्लेजुङ । मेरिङदेन गाउँपालिकाले उन्नत जातीय नश्ल सुधार गर्नका लागी निशुल्क सेवा सुरु गरेको छ । पालिकाले कृत्तिम गर्भाधान कार्यक्रम संचालन कार्यविधी २०८० बनाएर उक्त सेवा सुरु गरेको हो ।
गत पुष १८ गते कार्यविधी गाउँपालिकाबाट पारित भई सेवा सुरु भएको र हालसम्म दुई वटा भैँसी र एउटा गाईमा कृत्तिम गर्भाधान गरिएको र बाख्रामा पनि कृत्तिम गर्भाधान गराउने प्रकृयामा रहेको सुचना अधिकारी जितेन लिम्बुले जानकारी दिए ।
उन्नत जातीय नश्ल सुधार गरि व्यवसायिक पशुपालनमा सहयोग गर्ने उद्देश्यले गाउँपालिकाले उक्त सेवा गाई, भैँसी र बाख्रामा सुरु गरेको जनाएको छ । पालिकाका पशु प्राविधिकले कृषकको घर दैलोमा नै पुगेर सेवा प्रवाह गर्ने छन् भने सो सेवा मेरिङदेन गाउँपालिका अस्थायी एव्म स्थायी रुपमा बसोबास गर्ने कृषकले पाउने कार्यविधीमा उल्लेख रहेको छ ।
![](https://i0.wp.com/radiokabeli.com/wp-content/uploads/2024/01/kkk.jpg?resize=630%2C768&ssl=1)
सेवा प्रवाह गर्ने पशु प्राविधिकले कार्यालय समयमा कार्यलयमा सेवा प्रवाह गरेमा निशुल्क, कार्यालय समयभित्र हाजिर भई कृषकको घरमा गई सेवा दिएमा ८ सय रुपैँया, कार्यालय समय बाहिर कृषकको घरमा गई सेवा दिए १ हजार २ सय र बाख्राको जुन सुकै समयमा कृत्तिम गर्भाधान गरेमा पाँच सय रुपैँया प्रोत्साहन स्वरुप गाउँपालिकाले दिनेछ । अन्तरपालिकामा सेवा दिएमा पशु प्राविधिकबाट पालिकाले २०० रुपैँया लिएर पालिकाको आन्तरिक राजस्व खातामा जम्मा गर्नेछ ।
![](https://i0.wp.com/radiokabeli.com/wp-content/uploads/2024/01/Capture-1.jpg?resize=720%2C757&ssl=1)
स्थानीयले भने सुँगुरमा पनि कृत्तिम गर्भाधान गर्ने व्यवस्था गरि दिए सहज हुने बताएका छन् । एता गाउँपालिकाले प्राविधिक समस्या र लागत धेरै लाग्ने भएका कारण हाल गाई,भैँसी र बाख्रामा मात्रै गर्भधान सेवा सुरु गरिएको जनाएको छ । मेरिङदेन गाउँपालिकाका अधिकाँश घरमा सुँगुर पाल्ने गरिन्छ ।
![](https://i0.wp.com/radiokabeli.com/wp-content/uploads/2024/01/karya.jpg?resize=689%2C757&ssl=1)
प्रतिक्रिया