सिरिजङ्गा गाउँपालिकाले किबी सहित फलफुल जुस उद्योग स्थापना गर्ने



रेडियो काबेली
ताप्लेजुङ । ताप्लेजुङको सिरिजङ्गा गाउँपालिकाले किबी सहित फलफुल जुस उद्योग स्थापना गर्ने भएको छ । अघिल्लो १३ औँ गाउँसभामा स्वीकृत भए बमोजिमको बजेटबाट गाउँपालिकाले किबी सहित फलफुल जुस उद्योग स्थापना गर्न लागेको पालिका उपाध्यक्ष डा. चित्र मावोले बताए । उनका अनुसार विस्तृत परियोजना प्रतिवेदन (डिपिआर) सकिएको र गाउँपालिकाको केन्द्र तेल्लोकमा उद्योग बनाउन चाँडै सुरु गरिनेछ ।

उपाध्यक्ष मावोले भने,“गाउँपालिकामा किबी खेती राम्रो हुने भएको र बजारीकरणको अभावले कृषिकहरु मारमा परेका कारण कृषिकको किबीलाई प्रशोधन गरि बजारमा विक्री वितरण गर्नको लागि गाउँपालिको उद्योग खोल्न लागेको हो । उद्योग स्थापना पश्चात कृषकको किबी उक्त उद्योगले खरिद गर्ने, ग्रेडिङ गर्ने, किबी नै बेच्ने तथा उद्योगले जुस बनाएर बेच्ने आफै गर्ने छ ।यसबाट कृषकलाई किबी खेती लगायतका फलफुल खेती गर्न प्रोत्साहित गर्नेछ । पहिले किबीको जुस बनाउने भनिएपनि बिस्तारै अन्य फलफुलको जुस बनाउनको लागि गाउँपालिकाले उद्योगलाई विस्तार गर्दे लानेछ ।”


उक्त उधोगको अनुमानित लागत सात करोड ५० लाख रहेको र उक्त रकम मध्ये ५० प्रतिशत गाउँपालिकाको लगानी, संघिय सरकारको अनुदान,निजी कम्पनीहरुको साझेदारी साथै पब्लीक शेयर र कर्मचारी शेयर गरेर लागत रकम जुटाईने पालिकाले जनाएको छ ।

यस्तो बन्नेछ उद्योग डिपिआर अनुसारको तस्विर हेर्नुसः

प्रकाशित मिति : ३ माघ २०८०, बुधबार  २ : २६ बजे

फुङलिङ नगरपालिका-६ का विद्यार्थीहरुले पाए हाउस बुक

ताप्लेजुङ । ताप्लेजुङको फुङलिङ नगरपालिका ६ का विद्यार्थीहरुलाई हाउस बुक

पाथीभरामा वैशाखमा ६८ लाख भेटी सङ्कलन

ताप्लेजुङ । ताप्लेजुङस्थित प्रसिद्ध तीर्थस्थल पाथीभरा (मुक्कुमलुङ) मा वैशाख महिनामा

ताप्लेजुङमा अनिश्चितकालीन यातायात बन्द : यात्रु मारमा

ताप्लेजुङ । पाथीभरा केबलकार परियोजनाविरुद्ध सङ्घर्षरत समूहले आह्वान गरेको अनिश्चितकालीन

ताप्लेजुङ पर्यटन महोत्सव २०८१ आजबाट सुरु 

ताप्लेजुङ । ताप्लेजुङमा आजबाट ताप्लेजुङ पर्यटन महोत्सव २०८१ सुरु भएको

यातायात बन्दले जनजीवन प्रभावित

ताप्लेजुङ। मेची राजमार्ग, तमोर कोरिडोर र ताप्लेजुङमा गरिएको यातायात बन्दले