जाडो बढेपछि सुनसरीका विद्यालय तिन दिन बन्द



रेडियो काबेली

ताप्लेजुङ। शीतलहर र चिसो बढेपछि सुनसरीका प्रायः सबै स्थानीय तहले विद्यालय बन्द गर्ने निणर्य गरेको छ । जिल्ला सदरमुकाम इनरुवासहित इटहरी उपमहानगरपालिकाले माघ ३ गते आजबाट माघ ५ गतेसम्म विद्यालय बन्द गर्ने निर्णय गरेको हो ।

केही दिनदेखि जाडो बढ्दै गएपछि विद्यार्थीहरुको स्वास्थ्यलाई ध्यानमा राख्दै नगरपालिका र उपमहानगरपालिकाले तीन दिन विद्यालय बन्द गरेको जानकारी दिएको छ । इनरुवा नगरपालिकाले यसअघि माघ २ गतेसमम बन्द गरेकोमा जाडो कम नभएपछि माघ ५ गतेसम्म विद्यालय बन्द गर्ने निर्णय गरेको शिक्षा शाखा प्रमुख डिल्लीराज निरौलाले जानकारी दिए।

जाडो बढेपछि इनरुवा, इटहरी, गढीसहित सुनसरीका प्रायः सबै विद्यालय बन्द गरेको छ । उता इटहरी उपमहानगरपालिकाले समेत बुधबारदेखि माघ ५ गतेसम्म विद्यालय बन्द रहने उपमहानगरका शिक्षा अधिकृत द्रोणप्रसाद दाहालले बताउनुभयो । उपमहानगरले सम्पूर्ण सामुदायिक, धार्मिक र बालविकास केन्द्रहरुलाई पत्राचार गर्दै वर्षे बिदाबाट कट्टा हुनेगरी विद्यालय बन्द गर्न निर्देशन दिएको हो ।

पत्रमा लेखिएको छ, “अत्यधिक चिसो तथा शीतलहरको कारण दैनिक रुपमा पठनपाठनमा प्रभाव परेको हुँदा सञ्चित ९मीन पचास० वर्षे बिदाबाट कट्टा हुने गरी मिति २०८०–१०–०३ देखि २०८०–१०–०५ सम्म तीन दिन मात्र यस उपमहानगरपालिकाभित्र सञ्चालित सामुदायिक, धार्मिक, बालविकास केन्द्रहरु बन्द गरिएको हुँदा सोहीबमोजिम गर्नु–गराउनु हुन जानकारी गराइन्छ ।”

प्रकाशित मिति : ३ माघ २०८०, बुधबार ०९:५०

सिकाईमैत्री बिद्यालय निर्माण गर्न मैवाखोलामा सिकाईमैत्री कार्यशाला सुरु

रेडियो काबेलीताप्लेजुङ । गुणस्तरीय शिक्षाका लागि सिकाईमैत्री बिद्यालयहरु निर्माण गर्न

भारत सरकारको सहयोगमा मिक्वाखोलामा विद्यालय भवन बन्ने

रेडियो काबेलीताप्लेजुङ । जिल्लाको मिक्वाखोला गाउँपालिकामा भारत सरकारको सहयोगतमा विद्यालय

छैटौँ ताप्लेजुङ बज्र गुरु मन्त्रजप कार्यक्रमको तयारी पुरा

ताप्लेजुङ । शनिबारबाट सुरु हुने छैटौँ ताप्लेजुङ बज्र गुरु मन्त्रजप

लिम्बु कथानक चलचित्र “सुगुप” बेलायतमा पाँचौँ पटक प्रदर्शन हुँदै

काठमाडौं । लिम्बु कथानक चलचित्र “सुगुप” बेलायतमा पाँचौं पटक प्रदर्शन

ताप्लेजुङका दुई जना त्रिभुवन विश्वविद्यालय केन्द्रीय क्याम्पसको स्ववियुमा निर्वाचित

ताप्लेजुङ । ताप्लेजुङका दुई जना त्रिभुवन विश्वविद्यालय केन्द्रीय क्याम्पसको स्वतन्त्र