पाथीभरा क्षेत्रमा सञ्चारलाई थप व्यवस्थित गर्न सञ्चार सेट वाकीटकी प्रयोग गर्न सुरु

रेडियो काबेली
ताप्लेजुङ । ताप्लेजुङ रहेको प्रसिद्ध तिर्थस्थल पाथीभरा क्षेत्रमा सञ्चार सेट वाकीटकी प्रयोग गर्न सुरु गरिएको छ । सञ्चारलाई थप व्यवस्थित गर्न मन्दिर सहितका क्षेत्रमा सञ्चार सेट वाकीटकी प्रयोग गर्न सुरु गरिएको पाथीभार क्षेत्र विकास समितका अध्यक्ष रक्कि थेबेले जानकारी दिए ।

अध्यक्ष थेबेका अनुसार पाथीभरा क्षेत्रका सबै ठाउँमा पुर्णरुपमा मोवाईल नेटवर्क कभरेज नहुँदा सञ्चारमा समस्या आएको भन्दै पाथीभरा क्षेत्र विकास समितिले उक्त सञ्चार सेटको प्रयोग गरेको हो ।

उक्त सञ्चार सेटहरु ति मध्येका केहि कर्मचारीले प्रयोग गर्ने छन् भने पाथीभरा क्षेत्र विकास समितिको कार्यालयमा रहेका कर्मचारी र पाथीभरा क्षेत्र विकास समितिका पदाधीकारीले समेत प्रयोग गर्ने पाथीभरा क्षेत्र विकास समितिका कार्यकारी निर्देशक प्रजिन हाङबाङले बताए ।

उनका अनुसार उक्त वाकीटकी सहित बेस स्टेशनका लागि लाइसेन्स लिने लगायतका सबै कानुनी प्रकृया पुरा गरी टावर जडान गरेर प्रयोगमा आएको हो । अब भने पाथीभरा मन्दिर सहित आवश्यक ठाउँबाट पाथीभराको हरेक गतिविधिबारे सहज रुपमा सुचना आदान प्रदान हुने क्षेत्र विकास समितिले जनाएको छ ।

पाथीभरा मन्दिर सहित पदमार्गका कतिपय स्थानमा मोवाईल फोनको नेटवर्क नआउने लगायतका समस्या छन् ।
वाकीटकी सञ्चारले आपतकालिन वा अत्यावश्यक अवस्थामा सहयोग पुग्ने क्षेत्र विकास समितिको दाबी छ ।