‘पुषे मेला स्वर्ण महोत्सव २०८०’ आजबाट सुरु, भलिबल प्रतियोगितामा ताप्लेजुङका दुवै टिम विजयी 



रेडियो काबेली। आजदेखि ‘पुषे मेला स्वर्ण महोत्सव २०८०’ सुरु हुने भएको छ । मौलिक संस्कृतिको संरक्षण, पर्यटन र कृषि क्षेत्रको प्रवर्द्धन गर्ने उद्देश्य सहित  दोभान स्पोर्टिङ क्लब तथा पुषे मेला स्वर्ण महोत्सव व्यवस्थापन समितिको संयुक्त पहलमा आयोजित मेला सुरु भएको हो ।  

आगामी पुष ५ गतेसम्म जारी रहने मेलाको उद्घाटन कोशी प्रदेश सभा सदस्य खगेनसिंह हाङगामको प्रमुख आतिथ्यतामा गरिएको समितिका अध्यक्ष हेम सिरिङ चोङबाङले बताउनुभयो । उहाँका अनुसार ५० वर्ष देखि ताप्लेजुङको दोभानमा लाग्दै आएको पुषे मेलामा यस वर्ष राष्ट्रिय तथा अन्तराष्ट्रिय खेल खेलेका खेलाडीको सहभागितामा अन्तर जिल्ला क्लब स्तरीय भलिबल प्रतियोगिता सञ्चालन भएको छ । 

आज भलिबल प्रतियोगितामा चार खेल भएका छन् । आज भएको खेलमा ताप्लेजुङको प्रतिनिधित्व गरेका दुवै टिमले विजय हासिल गरेका छन् । जसमा हिमाली तोक्पेगोला भलिबल क्लबले इलामलाई सोझो सेटमा पराजित रेको छ भने मुकेश मेमोरियल क्लबले भोजपुर भलिबल क्लबलाई ३-१ को सेटमा पराजित गरेको छ ।

यस्तै आज नै भएको खेलमा पाथिभरा टाइगर भलिबल क्लब दमक झापाले सङ्खुवासभा भलिबल क्लबलाई सोझो सेटमा पराजित गरेको छ भने उदयपुर स्पोर्ट्स क्लबले चर्चित मानिएका नाम्चे भलिबल क्लब नाम्चे बजार साउथ सिक्किम भारतलाई सोझो सेटमा पराजित गरेको समितिका सचिव गणेश कार्की ढोलीले जानकारी दिनु भएको छ । 

मेलाको दोस्रो दिन भोलि पनि चार खेल हुने आयोजकले जनाएको छ । जसमा उदयपुर स्पोर्ट्स क्लब र भोजपुर भलिबल क्लब बिच प्रतिस्पर्धा हुने भएको छ भने इलामले पाथिभरा टाइगर भलिबल क्लब दमक झापाको सामना गर्ने भएको छ ।
 
यस्तै नाम्चे भलिबल क्लब नाम्चे बजार साउथ सिक्किम भारतले ताप्लेजुङको मुकेश मेमोरियल क्लबको सामना गर्ने भएको छ भने, हिमाली तोक्पेगोला क्लब र सङ्खुवासभा भलिबल क्लबबीच प्रतिस्पर्धा हुने आयोजकले जनाएको छ । 

प्रतियोगिताको विजेताले ३ लाख रुपैयाँ नगदका साथ ट्रफी, मेडल र प्रमाणपत्र पाउने छ भने उप विजेता टिम १ लाख ५० हजार रुपैयाँ नगद पुरस्कारका साथ ट्रफी, मेडल र प्रमाणपत्रको हकदार हुने भएको छ । सेमिफाइनल प्रवेश गर्ने प्रत्येक टिमलाई सान्त्वना पुरस्कार स्वरुप नगद ५० हजार रुपैयाँका साथ ट्रफी, मेडल र प्रमाणपत्र बितरण गरिने पुसे मेला आयोजक कमिटीका कोषाध्यक्ष रमेश चोङ्वाङले जानकारी दिनुभयो । 

हिजो उद्घाटन हुने भनिए पनि यातायात बन्दको कारण खेलाडीहरू समयमै आइपुग्न नसकेकाले आज मात्र मेलाको उद्घाटन गरिएको समितिका अध्यक्ष हेम सिरेङ चोङबाङले बताउनु भयो । 

प्रकाशित मिति : २ पुस २०८०, सोमबार  १२ : १९ बजे

फुङलिङ नगरपालिका-६ का विद्यार्थीहरुले पाए हाउस बुक

ताप्लेजुङ । ताप्लेजुङको फुङलिङ नगरपालिका ६ का विद्यार्थीहरुलाई हाउस बुक

पाथीभरामा वैशाखमा ६८ लाख भेटी सङ्कलन

ताप्लेजुङ । ताप्लेजुङस्थित प्रसिद्ध तीर्थस्थल पाथीभरा (मुक्कुमलुङ) मा वैशाख महिनामा

ताप्लेजुङमा अनिश्चितकालीन यातायात बन्द : यात्रु मारमा

ताप्लेजुङ । पाथीभरा केबलकार परियोजनाविरुद्ध सङ्घर्षरत समूहले आह्वान गरेको अनिश्चितकालीन

ताप्लेजुङ पर्यटन महोत्सव २०८१ आजबाट सुरु 

ताप्लेजुङ । ताप्लेजुङमा आजबाट ताप्लेजुङ पर्यटन महोत्सव २०८१ सुरु भएको

यातायात बन्दले जनजीवन प्रभावित

ताप्लेजुङ। मेची राजमार्ग, तमोर कोरिडोर र ताप्लेजुङमा गरिएको यातायात बन्दले