फुङलिङमा ३ दिने उद्धघोषण तालिम सम्पन्न

रेडियो काबेली

ताप्लेजुङ । फुङलिङ नगरपालिका वडा नं. ४ मा दलितहरुको लागि शुक्रबारबाट सुरु भएको उद्धघोषण तथा भाषणकला तालिम सम्पन्न भएको छ । सोमबार सहभागीलाई प्रमाणपत्र वितरण गर्दै तालिमको समापन भएको हो ।

नेपाल कपडा तथा सिलाई व्यवसायी संघ ताप्लेजुङको आयोजनामा वडा नं. ४ आर्थिक सहयोगमा तालिम सञ्चालन भएको हो ।
लैङ्गिक समानता तथा सामाजिक समावेशीकरणका लागि वडाको आर्थिक सहयोगमा तालिम सञ्चालन गरिएको कार्यक्रम संयोजक दिपेश सुनामले जानकारी दिए ।

तालिम सहजकर्ता एलिना दियालीले सहभागीहरुको वाककलाको क्षमता वृद्धि गर्न तालिमले केहि हदसम्म सहयोग गरेको बताउँदै सिकेको ज्ञानलाई व्यवहारमा लागु गर्न आग्रह गरिन् ।

आफुहरुले छोटो समयमा पनि धेरै कुरा सिक्न पाएकोमा सहभागीले भने खुसि व्यक्त गरेका छन् ।