पाँचथर । झापाको बिर्तामोड युनाइटेड जारी प्रथम किराँत गोल्डकपको सेमिफाइनलमा प्रवेश गरेको छ । फिदिम माविको खेलमैदानमा आइतबार सम्पन्न खेलमा इलामको रेडहर्स क्लबलाई १-० गोल अन्तरले स्तब्ध पार्दै झापा सेमिफाइनलमा प्रवेश गरेको हो ।
झापाको जितका लागि श्याम मुर्मुले गोल गरे । अब बिर्तामोडले फाइनल प्रवेशका लागी कर्ण सिं सोनाम स्मृति क्लब र हिमालय शेर्पा बिचको विजेता सँग खेल्नेछ ।
खेलको २२ औं मिनेटमा मुर्मुले गरेको गोलनै झापालाई जित दिलायो । विजयी गोल गरेका झापाको मुर्मु खेलको म्यान अफ दि म्याच घोषित भए । उनले नगद ५ हजार रुपैयाँ प्राप्त गरे ।
२३ गते फाइनल रहेको प्रतियोगिताको विजेताले चार लाख चार हजार चार सय ४४ रुपैयाँ र उपविजेता टिमले दुई लाख दुई हजार दुई सय २२ रुपैयाँ प्राप्त गर्नेछन् ।
भोलि सोमबार डागीहाट फुटबल क्लब मोरङ र दार्जिलिङ युनाइटेड क्लब भारत बिच प्रतिस्पर्धा हुने भएको छ ।
प्रतिक्रिया