छैटौं सुम्हात्लुङ मिनी म्याराथनको उपाधि श्रीकास राईलाई



पाँचथर । छैटौं सुम्हात्लुङ मिनी म्याराथनको उपाधि नेपाल आर्मीमा कार्यरत धावक श्रीकास राईले हात पारेका छन् । निर्धारित साढे नौ किलोमिटरको दूरी २७ मिनेट ५६ सेकेण्डमा पार गर्दै उहाँले उपाधि हासिल गरेका हुन् ।

पाँचथरको फिदिममा आयोजना भएको प्रतियोगितामा सशस्त्र प्रहरी बलका निरज भट्ट र राजेन्द्र तामाङ दोस्रो र तेस्रो भएका छन् । दोस्रो स्थान प्राप्त गर्न सफल भट्टले २८ मिनेट ३ सेकेण्ड र तेस्रो भएका तामाङले २८ मिनेट १४ सेकेण्डमा निर्धारित दूरी पार गरेका थिए ।

यसैगरी, महिलातर्फको प्रतियोगितामा जुलिन राई पहिलो, भोजपुरकै जुहि राई दोस्रो र विनीता राई तेस्रो बन्न सफल भएका छन् । सुम्हात्लुङ गडी मन्दिरबाट सुरु भएको दौड, पाँचथर बहुमुखी क्याम्पस, आहालगैरी, जोरसाल, पल्लोटार, शनिबारे र जिल्ला प्रहरी कार्यालय हुँदै सुम्हात्लुङ मन्दिरमै पुगेर टुङ्गिएको थियो ।

पुरुषतर्फको उपाधि विजेताले नगद ३० हजार, दोस्रो हुनेले २० हजार र तेस्रो हुनेले १० हजारसहित ट्रफी मेडल र प्रमाणपत्र हात पारेका छन् । यस्तै, महिलातर्फ पहिलो, दोस्रो र तेस्रो हुनेलाई क्रमशः ५,३ र २ हजार रुपियाँ पुरस्कार प्राप्त गरेका छन् ।

किरातहरुको सांस्कृतिक पर्व उँधौली अर्थात् चासोक तङनामका अवसरमा प्रतियोगिता आयोजना गरिएको हो ।

प्रकाशित मिति : ८ पुस २०८०, आइतबार  १२ : ५७ बजे

फुङलिङ नगरपालिका-६ का विद्यार्थीहरुले पाए हाउस बुक

ताप्लेजुङ । ताप्लेजुङको फुङलिङ नगरपालिका ६ का विद्यार्थीहरुलाई हाउस बुक

पाथीभरामा वैशाखमा ६८ लाख भेटी सङ्कलन

ताप्लेजुङ । ताप्लेजुङस्थित प्रसिद्ध तीर्थस्थल पाथीभरा (मुक्कुमलुङ) मा वैशाख महिनामा

ताप्लेजुङमा अनिश्चितकालीन यातायात बन्द : यात्रु मारमा

ताप्लेजुङ । पाथीभरा केबलकार परियोजनाविरुद्ध सङ्घर्षरत समूहले आह्वान गरेको अनिश्चितकालीन

ताप्लेजुङ पर्यटन महोत्सव २०८१ आजबाट सुरु 

ताप्लेजुङ । ताप्लेजुङमा आजबाट ताप्लेजुङ पर्यटन महोत्सव २०८१ सुरु भएको

यातायात बन्दले जनजीवन प्रभावित

ताप्लेजुङ। मेची राजमार्ग, तमोर कोरिडोर र ताप्लेजुङमा गरिएको यातायात बन्दले