मेरिङदेन ६ का विद्यार्थीले पाथिभरा बहुमुखी क्याम्पसमा नि:शुल्क स्नातक अध्ययन गर्न पाउने

ताप्लेजुङ । ताप्लेजुङको मेरिङदेन गाउँपालिका वडा नं. ६ का वडा अध्यक्ष मनोज तुम्बाहाङफेले पाथीभरा बहुमुखी क्याम्पसमा अध्ययनरत मेरिङदेन ६ का विद्यार्थीहरूलाई छात्रवृत्ति प्रदान गर्ने भएका छन् । यो सँगै उक्त गाउँपालिका ६ नाल्बुका विद्यार्थीले क्याम्पसमा नि:शुल्क रुपमा स्नातक तहको अध्ययन गर्न पाउने भएका हुन् ।

आफ्ना वडाका नागरिकलाई उच्च शिक्षा प्रदान गर्ने र न्यून बर्गका विद्यार्थीलाई टेवा पुर्याउने उद्देश्यका साथ वडाले सम्पूर्ण खर्च व्यहोर्ने निर्णय गरेको वडा अध्यक्ष तुम्बाहाङफेले बताउनु भयो । क्याम्पसमा हाल नाल्बुका ९ जना विद्यार्थी अध्ययनरत रहेको क्याम्पस प्रमुख सजन पौडेलले जानकारी दिनु भएका छ । 

उहाँका अनुसार प्रथम वर्षमा भर्ना हुन बाँकी रहेका विद्यार्थीलाई समेत निशुल्क अध्ययनको लागि सम्झौता भएको छ ।