ताप्लेजुङ । ताप्लेजुङमा सम्पन्न भएको ३ दिने निःशुल्क आँखा शिविरमा ५ सयभन्दा बढीले आँखा जाँच तथा परीक्षण गराएका छन् । आइतबारबाट सुरु भएको शिविरमा ५ सय २४ जनाको आँखा जाँच गरिएको डिचेन डोङ्गला स्मारक आँखा उपचार केन्द्रका वरिष्ठ क्लिनिक इन्चार्ज काजी गुरुङले जानकारी दिनुभयो ।
![](https://i0.wp.com/radiokabeli.com/wp-content/uploads/2023/11/404635050_879798340445257_8268615940002151412_n.jpg?resize=720%2C540&ssl=1)
उहाँका अनुसार शिविरमा छनोट भएका १ सय २१ जनाको जटिल शल्यक्रिया र १० जनाको साधारण अपरेशन गरिएको छ । जसमध्ये ६३ जना महिला र ६८ जना पुरुष रहेका छन् । रामप्रसाद पोख्रेल आँखा अस्पताल धनकुटाको प्राविधिक टोलीले सफलतापूर्वक शल्यक्रिया गरेका छन् । नेपाल नेत्र ज्योति संघ, सेवा फाउण्डेसन काठमाडौँ र फुङलिङ नगरपालिकाको संयुक्त पहलमा शिविर सञ्चालन गरिएको नेत्र ज्योति संघका उपसभापति खगेन्द्र अधिकारीले जानकारी दिनुभयो ।
![](https://i0.wp.com/radiokabeli.com/wp-content/uploads/2023/11/405709007_879798493778575_8914412001805514329_n.jpg?resize=720%2C405&ssl=1)
उहाँका अनुसार हेल्पिङ हेन्स, लायन्स क्लब अफ काठमाडौँ, लायन्स क्लब अफ तारकेश्वर चौतारी र सानिमा मध्य तमोर हाइड्रो पावर लिमिटेड ताप्लेजुङले सहयोग गरेका छन् । यस्तै अब आगामी मंसिर १४/१५ गते २ दिन याङवरक आँखा उपचार केन्द्र थर्पु बजारमा समेत निःशुल्क आँखा शिविर सञ्चालनको तयारी भइरहेको छ ।
![](https://i0.wp.com/radiokabeli.com/wp-content/uploads/2023/11/405646934_879798380445253_1559935157378005929_n.jpg?resize=720%2C540&ssl=1)
प्रतिक्रिया