ताप्लेजुङमा पहिलो आईटी एकेडेमीको उद्धघाटन



ताप्लेजुङ । ताप्लेजुङमा जिल्लाकै पहिलो आईटी एकेडेमीको उद्घाटन भएको छ । सदरमुकाम फुङलिङस्थित भानु जन माध्यमिक विद्यालयमा जिल्लाकै पहिलो र एकमात्र आईटी एकेडेमीको उद्घाटन भएको हो । 

आईटी एकेडेमीका परिकल्पनाकार तथा लगानीका मुख्य समन्वयकर्ता वाल्डेमर स्मित र एचपीएफका प्रवन्ध निर्देशक पर्निल क्रुस सहितका दाताहरूको उपस्थितिमा आज एकेडेमीको उद्घाटन गरिएको छ । 

डेनमार्कका व्यावसायी तथा समाजसेवी वाल्डेमर स्मित तथा ह्युमन प्राटिक्स फाउण्डेसन (एचपीएफ) डेनमार्कको अगुवाइ तथा समन्वय साथै बिभिन्न विदेशी दाताहरूको सहयोगमा उक्त आईटी एकेडेमी निर्माण भएको बताइएको छ । 

श्रमदान र समुदाय लागत साझेदारी सहित ५ करोड ३२ लाख २७ हजार ७ सय ७५ रुपैयाँको लागतमा आईटी एकेडेमीको भवन तथा पूर्वाधार निर्माण कार्य पूरा भएको छ । भानु जनले जग्गा खरिद तथा व्यवस्थापनमा मात्रै ३४ लाख ३२ हजार ६ सय ४ रुपैयाँ बराबर खर्च गरेको छ । 

अढाई लाख बढी रकम कोष बचत रहेको छ । भानु जन माध्यमिक विद्यालय व्यवस्थापन समितिका अध्यक्ष युगराज गुरुङले खर्च विवरण प्रस्तुत गर्दै आईटी एकेडेमी भानु जनकै मात्र नभएर जिल्लाकै आईटी हव र सामूहिक सम्पत्तिको रुपमा रहेको बताउनुभयो ।

निर्माणका केही कामहरू अधुरा रहेको र त्यसलाई पूरा गर्ने क्रम समेत जारी रहेकोले उल्लेखित लागतमा केही तलमाथि हुनसक्ने भानु जन माविका प्रधानाध्यापक किशोरकुमार राईले बताउनुभयो । यो सँगै एकेडेमी औपचारिक रुपमा सञ्चालनमा आएको एकेडेमीका प्रमुख तथा एकेडेमी सञ्चालन, व्यवस्थापन समितिका सदस्य सचिव बसन्त पालुङ्वाले बताउनुभयो । 

एकेडेमी भवन भित्र कफी बार सहित आईटी सँग सम्बन्धित सबै सामाग्री साथै मिनी रेकर्डिङ स्टुडियो पनि रहेको छ । यस एकेडेमीमा ग्राफिक डिजाइन तालिम भने सञ्चालन भइरहेको छ । 

प्रकाशित मिति : ६ मंसिर २०८०, बुधबार  १ : ०६ बजे

ताप्लेजुङमा दुई चरणमा आईपिभि खोप प्रदान गरिँदै, साढे छ हजार बालबालिका लाभान्वित हुने

साहारा लङ्वा लिम्बू ताप्लेजुङ । भोलिदेखि देशैभर सुरुहुने आईपिभि खोप

ताप्लेजुङबाट झापातर्फ प्रस्थान गरेको सवारी दुर्घटनामा एकको ज्यान गयो

पाँचथर – मेचीराजमार्ग अन्तर्गत हिलिहाङ ७ हेवाखोल नजिक शुक्रबार साँझ सवारी दुघर्टना

कोरोना भाइरसका कारण बन्द भएको टिपताला नाका पाँच वर्षपछि खुल्यो

ताप्लेजुङ । नेपाल र चीनको स्वशासित क्षेत्र तिब्बतको सिमाना टिपताला

ताप्लेजुङको फुङलिङमा प्राकृतिक रुपमा उम्रिएका गाँजा नष्ट गरियो

साहारा लङ्वा लिम्बू ताप्लेजुङ । ताप्लेजुङको फुङलिङमा प्राकृतिक रुपमा उम्रिएका

शान्ति आधारभुत विद्यालयका बिद्यार्थीहरुलाई ट्रयाक सुट र झोला वितरण

ताप्लेजुङ । फुङलिङ नगरपालिका २ स्थित शान्ति आधारभुत विद्यालयका विद्यार्थीहरुलाई