ताप्लेजुङ । पाथीभरा क्षेत्र विकास समितिको कार्यकारी निर्देशकमा प्रजिन हाङवाङ नियुक्त भएका छन् । हाङवाङलाई संस्कृति पर्यटन तथा नागरिक उड्डयन मन्त्रालयले नियुक्त गरेको हो ।
मन्त्री स्तरीय निर्णयवाट ४ वर्षका लागि नियुक्त गरिएको शाखा अधिकृत जंग वहादुर राईद्वारा दिइएको नियुक्ती पत्रमा उल्लेख छ । यस अघि कार्यकारी निर्देशकमा मनमणी काफ्ले रहेका थिए । काफ्लेको म्याद कार्तिक ६ गते सकिएपछि मन्त्रालयले हाङवाङलाई नियुक्त गरेको हो ।
नवनियुक्त हाङ्बाङ अनेरास्ववियु (क्रान्तिकारी) का केन्द्रीय उपमहासचिव तथा निर्वाचन आयोगको प्रमुख समेत हुन् ।
पाथीभरा (मुक्कुमलुङ) देशकै एक प्रसिद्ध तीर्थस्थल मानिन्छ । यहाँ देश विदेशका गरी वार्षिक लाखौं भक्तजनको आगमन हुने गरेको छ ।
नियुक्ति पत्र
![](https://i0.wp.com/radiokabeli.com/wp-content/uploads/2023/11/download.jpg?resize=528%2C768&ssl=1)
प्रतिक्रिया