ताप्लेजुङ । हरेक वर्ष ताप्लेजुङमा रहेको पाथीभरा मन्दिरको लाखौँको संख्याले दर्शन गर्ने गर्दछन् । बाह्रै महिना मन्दिरको दर्शन गर्न सकिने भएपनि विशेषगरी पाथीभरामा दशैँको समया दर्शनार्थीको घुँईचो लाग्ने गर्दछ ।
नवरात्र सुरु हुने वित्तिकै देखि दर्शनार्थीको उपस्थिति उल्लेख्य मात्रा हुने गर्दछ भने फुलपातीको दिन शनिबार मात्रै ६ हजार ४ सय ६० दर्शनार्थीले दर्शन गरेको मन्दिरका कर्मचारी राजेन्द्र महतले बताउनु भयो ।
पुजारीले दर्शनार्थीको घुँईचो लागेकाले राति १२ बजेबाट नै पुजा गरेको पुजारी डिल्ली आचार्यले बताएका छन् । पाथीभरामा आफुले माग गरेको कुरा पुरा हुने भएकाले पनि एकपटक मात्रै नभएर तिर्थालु पटक पटक आउने गरेको बताउँछन् ।
ताप्लेजुङ सदरमुकाम फुङलिङबाट काफ्लेपाटीसम्म यातायातका साधन र त्यसपछिको साढे चार किलोमिटर पदैल यात्रा गरेपछि आस्थाकी देवी पाथीभराको मन्दिरसम्म पुग्न सकिन्छ । हिँडन् नसक्नेहरु भरियाको साहाराले मन्दिर पुगेर दर्शन गर्ने गर्दछन् ।
३ हजार ७ सय ९४ मिटर उचाईमा रहेको पाथीभरा मन्दिरको दर्शन गरेमा मनोकाँक्षा पुरा हुने एव्म मागेको कुरा पाईने धार्मिक विश्वास भएकाले पनि दर्शनार्थीको घुँईचो लाग्ने गर्दछ ।
तिर्थयात्रीको बाक्लो उपस्थितिले यातायात व्यवसायी एवंम होटल व्यवसायीको व्यस्तता बढेको छ भने आम्दानीको समेत राम्रो स्रोत बनेको छ ।
तस्विरः एलिना दियाली
प्रतिक्रिया