ताप्लेजुङ । ताप्लेजुङको मैवाखोला गाउँपालिकाका पहिरो पीडितलाई चन्द्र बहादुर फागो चोङ्बाङ्को परिवारले राहत वितरण गरेको छ । मैवाखोला गाउँपालिका ओदका पहिरो पीडित ६५ घर परिवारलाई राहत वितरण गरिएको हो ।
बाजे चन्द्र बहादुर फागो चोङ्बाङ्को समस्त परिवारहरूको तर्फबाट स्व. चन्द्र बहादुर चोङ्बाङ्, स्व. नरिमाया चोङ्बाङ् (खेबाङ्), स्वा राम प्रसाद चोङ्बाङ्, स्व. मन माया चोङ्बाङ् (ईङ्नाम्),स्व. फुल माया चोङ्बाङ् (तुम्बाहाम्फे) र स्व मीना चोङ्बाङ् हरूको स्मृतिमा राहत वितरण गरिएको सुमन चोङ्बाङ्ले जानकारी दिनुभएको छ ।
राहत मैवाखोला गाउँपालिकाका अध्यक्ष विजय प्रकाश वनेमको उपस्थितिमा औपचारिक कार्यक्रमका साथ वितरण गरिएको छ । प्रत्येक पीडित परिवारलाई १ बोरा चामल, २ केजी दाल, १ केजी नुन र १ पोका तेल गरी जन्मा ६५ बोरा चामल १३० केजी दाल ६५ लिटर तेल ६५ केजी नुन राहत वितरण गरियो गरिएको छ ।
गएको असार २ गते अविरल वर्षा सँगै आएको पहिरोले मैवाखोला गाउँपालिकाका ६५ घर परिवार विस्थापित भएका थिए । उक्त विस्थापित परिवारलाई अहिले अस्थायी एकीकृत आवास गृह बनाई स्थानान्तरण गरिएको छ ।
प्रतिक्रिया