‘फूलबारी’को पहिलो पोस्टरमा बूढा विपिन र हँसिला दयाहाङ



ताप्लेजुङ । रामबाबु गुरुङको निर्देशन रहेको नेपाली फिल्म ‘फूलबारी’को पहिलो पोस्टर सार्वजनिक भएको छ। सामाजिक कथामा बनेको फिल्मको पोस्टर निर्माता मनिष ढकालको जन्मदिनको अवसर पारेर आइतबार सार्वजनिक गरिएको हो।

सार्वजनिक पोस्टरमा फिल्मका मुख्य कलाकारहरूलाई देखाइएको छ। जसमा विपिन कार्की ढाका टोपी र फुलेको दाह्रीमा देखिएका छन् भने दयाहाङ राईको हँसिलो अनुहार देखिएको छ।

अभिनेत्री प्रियंका कार्की गम्भीर मुद्रामा देखिएकी छन् भने अरुणा कार्की हाँसिरहेको देखिएकी छन्। शिल्पा मास्के र गौमाया गुरुङलाई पनि पोस्टरमा अटाइएको छ।

रामबाबुको निर्देशनमा बनेको ‘कबड्डी ४’ गत जेठमा प्रदर्शनमा आएको थियो भने विपिन र दयाहाङको अभिनय रहेको अर्को फिल्म ‘के घर के डेरा’ यही कात्तिक पहिलो हप्ता रिलिज भएको थियो।

‘कबड्डी ४’ नेपाली फिल्मको इतिहासमै सर्वाधिक कमाइ गर्ने फिल्म बन्दा ‘के घर के डेरा’ पनि व्यावसायिक रुपमा सफल साबित भएको थियो। केही हलहरूमा अझै प्रदर्शनरत नै छ।

‘फूलबारी’ अभिनेत्री प्रियंका कार्कीले छोरी पाएपछिको पहिलो फिल्म पनि हो। व्यावसायिक रुपमा यो वर्ष सफल रहेका कलाकार तथा निर्देशकको अर्को फिल्मले कस्तो व्यापार गर्छ त्यो भने हेर्न बाँकी छ।

कमलकिशोर मालपानीको कथा, उपेन्द्र सुब्बाको लेखन तथा मनिष ढकालको निर्माण रहेको ‘फूलबारी’ आगामी फागुन ५ गतेदेखि प्रदर्शनमा आउँदैछ।

प्रकाशित मिति : २१ कार्तिक २०७९, सोमबार ०३:५१

सिकाईमैत्री बिद्यालय निर्माण गर्न मैवाखोलामा सिकाईमैत्री कार्यशाला सुरु

रेडियो काबेलीताप्लेजुङ । गुणस्तरीय शिक्षाका लागि सिकाईमैत्री बिद्यालयहरु निर्माण गर्न

भारत सरकारको सहयोगमा मिक्वाखोलामा विद्यालय भवन बन्ने

रेडियो काबेलीताप्लेजुङ । जिल्लाको मिक्वाखोला गाउँपालिकामा भारत सरकारको सहयोगतमा विद्यालय

छैटौँ ताप्लेजुङ बज्र गुरु मन्त्रजप कार्यक्रमको तयारी पुरा

ताप्लेजुङ । शनिबारबाट सुरु हुने छैटौँ ताप्लेजुङ बज्र गुरु मन्त्रजप

लिम्बु कथानक चलचित्र “सुगुप” बेलायतमा पाँचौँ पटक प्रदर्शन हुँदै

काठमाडौं । लिम्बु कथानक चलचित्र “सुगुप” बेलायतमा पाँचौं पटक प्रदर्शन

ताप्लेजुङका दुई जना त्रिभुवन विश्वविद्यालय केन्द्रीय क्याम्पसको स्ववियुमा निर्वाचित

ताप्लेजुङ । ताप्लेजुङका दुई जना त्रिभुवन विश्वविद्यालय केन्द्रीय क्याम्पसको स्वतन्त्र