सवारी कारबाहीबाट ८ लाख ७ हजार बढी राजश्व सङ्कलन 

ताप्लेजुङ, साउन ३ गते । ताप्लेजुङमा सवारी कारबाहीबाट ८ लाख ७ हजार बढी राजश्व सङ्कलन भएको छ । आर्थिक वर्ष २०८२–८३ मा सवारी कारबाहीबाट ८ लाख ७ हजार ५ सय रुपैयाँ राजश्व सङ्कलन भएको हो । 

उक्त अवधिमा ३६ वटा ट्रक, ७ वटा बस, २ सय ६२ वटा कार र जिप, ४६ वटा ट्रयाक्टर, ४ सय ६२ वटा मोटरसाइकल, ३३ वटा सफारी र अन्य एक सवारी कारबाहीमा परेको ट्राफिक प्रहरी कार्यालय ताप्लेजुङका प्रहरी सहायक हवल्दार सुवास काम्वाङले जानकारी दिनुभयो । उहाँका अनुसार आर्थिक वर्ष २०८१–८२ मा १ हजार ५७ वटा सवारीमाथि कारबाही गरेको थियो । उक्त कारबाहीका क्रममा ८ लाख ३१ हजार ५ सय रुपैयाँ राजश्व असुली भएको थियो ।

यस्तै सवारी दुर्घटनामा परी ४ जनाको मृत्यु भएको छ । जसमा ५९ जना घाइते भएका छन् । यो सँगै सोही आर्थिक वर्षमा आवश्यक कागजात नभएका ५ वटा सवारी साधन नियन्त्रण लिइ आवश्यक कारबाहीका लागि राजश्व कार्यालय पठाइएको जिल्ला ट्राफिक प्रहरी कार्यालय ताप्लेजुङले जनाएको छ ।