डिजिटल वक्तृत्वकलामा विद्वता पोखरेल प्रथम



ताप्लेजुङ, फागुन २ गते । ताप्लेजुङको पाथिभरा बहुमुखी क्याम्पसमा सञ्चालन भएको खुला डिजिटल वक्तृत्वकला प्रतियोगितामा विद्वता पोखरेल प्रथम हुनुभएको छ । पाथीभरा क्षेत्र विकास समितिको आर्थिक सहयोग र स्वतन्त्र विद्यार्थी युनियन पाथिभरा बहुमुखी क्याम्पसको आयोजनामा सञ्चालन भएको उक्त प्रतियोगितामा पोखरेल प्रथम हुनुभएको हो ।

शुक्रबार सम्पन्न भएको समापन तथा पुरस्कार बितरण कार्यक्रममा पोखरेल पहिलो हुनुभएको स्वतन्त्र विद्यार्थी युनियन क्याम्पस उपाध्यक्ष रोशन साउदेनले जानकारी दिनुभयो । उहाँका अनुसार द्वितीय टेरिसा गुरागाईं, तृतीय अरुणा कडरिया र सान्त्वना सिकुम लिम्बू हुनुभएको छ । प्रतियोगिता अन्र्तगत प्रथम हुनुभएका पोखरेलले २५ हजार, द्वितीय हुनुभएका गुरागाँईले १५ हजार, तृतीय हुनुभएका कडरियाले १० हजार र सान्त्वना हुनुभएका लिम्बुले ५ हजार नगदका साथ प्रशंसापत्र पाउनुभएको छ ।

प्रसिद्ध तीर्थस्थल पाथिभरा मन्दिरलाई प्रभावकारी बनाउन “पाथिभरा देवी – श्रद्धा, संस्कृति र पर्यटनको केन्द्र” शीर्षकमा प्रतियोगितामा सञ्चालन गरिएको थियो । सहभागीले आफ्नो प्रस्तुतीको भिडियो बनाएर समाजिक सञ्जाल मार्फत सार्वजनिक गरेका थिए । सामाजिक सञ्जालमा आएको लाइक, कमेन्ट, सेयर र भ्युजका आधारमा ४० प्रतिशत अङ्क प्रदान गरिएको थियो भने बाँकी विषयवस्तु केन्द्रित अङ्क प्रदान गरिएको हो ।

प्रतियोगितामा जिल्लाभरका करिब ३० जनाले सहभागिता जनाएका थिए । पाथीभरा बहुमुखी क्याम्पसको सभाहलमा सम्पन्न भएको कार्यक्रममा फुङलिङ नगरपालिकाका प्रमुख अमिर मादेन, पाथीभरा क्षेत्र विकास समितिका कार्यकारी निर्देशक प्रजिन हाङबाङ, क्याम्पस प्रमुख सजन पौडेल लगायतले पुरस्कार र प्रशंसापत्र बितरण गर्नुभएको थियो ।

प्रकाशित मिति : 6:04 am

अलैँची कपको उपाधिका लागि फेदाप र मरिक भिड्ने

ताप्लेजुङ, मङ्सिर ६ गते । ताप्लेजुङको मिक्वाखोला गाउँपालिका–४, साँवास्थित पर्यटकीय

निःशुल्क आँखा शिविरको पहिलो दिन ६८ जनाको शल्यक्रिया

ताप्लेजुङ, मङ्सिर ६ गते । विश्वविख्यात नेत्ररोग विशेषज्ञ डाक्टर सन्दुक

ताप्लेजुङमा सुविधासम्पन्न आँखा शल्यक्रिया कक्ष

ताप्लेजुङ, मङ्सिर ५ गते । ताप्लेजुङको डिचेन डोङ्गला स्मारक आँखा

पाथीभराबारे तीन भाषामा पुस्तक प्रकाशन

ताप्लेजुङ, मङ्सिर ५ गते । ताप्लेजुङस्थित प्रसिद्ध धार्मिक तीर्थस्थल पाथीभरा

डा. सन्दुक रुइतको उपस्थितिमा सञ्चालन हुने निःशुल्क आँखा शिविर आजबाट सुरु

ताप्लेजुङ, मङ्सिर ५ गते । ताप्लेजुङमा विश्वविख्यात नेत्ररोग विशेषज्ञ डा.