सौगात विष्ट
ताप्लेजुङ, माघ १३ गते । घरेलु तथा साना उद्योग कार्यालय ताप्लेजुङले ग्राफिक डिजाइन तथा वेभ डेभलपमेन्ट सम्बन्धी तालिम सिकाइका लागी ६० विद्यार्थी छनोट गरेको छ । कार्यालयले ग्राफिक डिजाइनका लागी ३० जना र वेभ डेभलपमेन्टका लागि ३० जना गरी जम्मा ६० जना विद्यार्थी छनोट गरेको हो ।
आर्थिक वर्ष २०८२/८३ को वार्षिक स्वीकृत कार्यक्रम अन्तरगत उक्त तालिम सञ्चालन गर्ने भएको घरेलु तथा साना उद्योग कार्यालय ताप्लेजुङका प्रमुख लक्ष्मी सुहाङले जानकारी दिनुभयो । उहाँका अनुसार तालिमा बुधबारबाट ताप्लेजुङमा रहेको एक मात्र आईटी एकेडेमीमा सुरु हुने छ ।
तालिम १५० दिन सञ्चालन गरिने छ । यस अघि नै तालिमका लागी भनी १५ दिनको म्यादमा दरखास्त आह्वान गरिएको थियो । सोही अनुसार प्राप्त भएको आवेदन मार्फत ६० जना विद्यार्थी छनोट गरिएको घरेलु तथा साना उद्योग कार्यालय ताप्लेजुङले जनाएको छ ।
प्रतिक्रिया