ताप्लेजुङ । जिल्ला प्रशासन कार्यालय ताप्लेजुङले इजाजत प्राप्त हातहतियार स्थानीय प्रशासनलाई बुझाउन अनुरोध गरेको छ । प्रमुख जिल्ला अधिकारी शिवराज शेढाईले सोमबार एक सूचना जारी गर्दै आगामी फाल्गुन २१ गते हुने प्रतिनीधि सभाको निर्वाचनलाई शान्तिपुर्ण र भय रहित तवरबाट सम्पन्न गराउन जिल्लाभित्र रहेका इजाजत प्राप्त हातहतियार धनिलाई हातहतियार बुझाउन अनुरोध गर्नुभएको हो ।
सुचनामा यहि माघ २० गतेसम्म आफुलाई पायक पर्ने नजिकको प्रहरी इकाई मार्फत जिल्ला प्रहरी कार्यालयमा हातहतियार बुझाउन अनुरोध गरिएको छ । यसरी बुझाईएका हातहतियार निर्वाचन सकिएको एक महिना पश्चात फिर्ता पाईने प्रमुख जिल्ला अधिकारी शेढाईले बताउनुभयो । अनुमति प्राप्त गरी राखिएका हतियारबाट निर्वाचनको समयमा शान्ति सुरक्षामा खलल पुग्न सक्ने भन्दै प्रशासनले हतियार बुझाउन आग्रह गरेको हो।
सुचना हेर्नुहोस:
प्रतिक्रिया