रेडियो काबेली
ताप्लेजुङ । आगामी फाल्गुन २१ गते हुने प्रतिनीधिसभा निर्वाचनका लागि नेपाली काँग्रेस पार्टीको तर्फबाट ताप्लेजुङमा गजेन्द्र प्रसाद तुम्याहाङको उम्मेद्धवारी पक्का भएको छ । सोमबार काँग्रेसका सभापति गगन थापाले नेताहरुसँगको छलफलपछि ताप्लेजुङमा तुम्याहाङलाई टिकट दिएसँगै उम्मेद्धवारी पक्का भएको हो ।विशेष महाधिवेशनको विवादले काँग्रेसमा आन्तरिक द्धन्द्धका बिच नेताहरु उम्मेद्धवारी टुङ्ग्याउन जुटेका छन् । काँगे्रसले आज ताप्लेजुङ सहित १७ निर्वाचन क्षेत्रमा उम्मेद्धवारीको टुङ्गो लगाएको छ ।
ताप्लेजुङबाट तुम्याहाङको नाम एकल सिफारिस भएको थियो । यस अघि नेपका एमोलको तर्फबाट क्षितिज थेबे, नेपाली कम्युनिष्ट पार्टीको तर्फबाट खेल प्रसाद बुढाक्षेत्री पराग, राष्ट्रिय स्वतन्त्र पार्टीबाट ईन्जिनियर वीरेन्द्र श्रेष्ठको उम्मेद्धवारी टुङ्गो लागेको छ । यो सँगै प्रतिनीधिसभा निर्वाचनमा ताप्लेजुङमा भने एउटै सिरिजंघा गाउँपालिकाका उम्मेदवार बिच प्रतिस्पर्धा हुने भएको छ ।
प्रतिक्रिया