रेडियो काबेली
ताप्लेजुङ । सशस्त्र प्रहरी बल नेपाल नं. १ गुल्म हेडक्वाटर कञ्चनजंघा ताप्लेजुङले जिल्ला कारगार ताप्लेजुङलाई खेलकुद सामाग्री हस्तान्तरण गरेको छ । २५ औँ सशस्त्र प्रहरी दिवस २०८२ को अवसरमा बुधबार जिल्ला कारागार ताप्लेजुङलाई फुटबल भलिबल लगायतका खेलकुद सामाग्री हस्तान्तरण गरेको हो ।
कैदीबन्दीहरुलाई मनोरञ्जन तथा शारिरीक व्यायाम समेतको लागि प्रमुख जिल्ला अधिकारी शिवराज सेढाईको प्रमुख आतिथ्यतामा एक कार्यक्रमको आयोजना गरि जिल्ला कारागारका प्रशासक कुलेन्द्र खवासलाई खेलकुद सामाग्री हस्तान्तरण गरिएको सशस्त्र प्रहरी नायव उपरीक्षक प्रमोद प्रकाश पाठकले बताउनुभयो ।
सशस्त्र प्रहरी बल नेपाल नं. १ गुल्म हेडक्वाटर कञ्चनजंघा ताप्लेजुङले स्थापना दिवसको अवसरमा जिल्लाका धार्मिक एवं सार्वजनिक स्थलहरु सरसफाई, सचेतनामुलक कक्षाहरु संचालन लगायतका कार्यक्रमहरु संचालन गरि रहेको प्रहरी नायब उपरीक्षक पाठकले बताउनुभयो ।
प्रतिक्रिया