ताप्लेजुङ, पुस २३ गते । ताप्लेजुङमा सवारी साधन कारबाहीबाट दुई लाख रुपियाँ बढी राजश्व सङ्कलन भएको छ । चालु आर्थिक वर्षको साउनदेखि मंसिर महिनासम्म पाँच महिनाको अवधिमा दुई लाख २७ हजार ५०० रुपियाँ राजश्व सङ्कलन भएको हो ।
जिल्ला ट्राफिक कार्यालय ताप्लेजुङका प्रहरी सहायक निरीक्षक सुरेन्द्र प्रसाद यादवका अनुसार पाँच महिनाको अवधिमा साना तथा ठूला सवारी साधन कारबाहीबाट उक्त रकम बराबरको राजश्व सङ्कलन भएको छ । यस्तै पाँच महिनाको अवधिमा साना तथा ठूला गरी जम्मा दुई सय ७४ वटा सवारी साधन कारबाहीमा परेको प्रहरी सहायक निरीक्षक यादवले बताउनुभयो ।
उहाँका अनुसार सबैभन्दा बढी भ्यान १४८ र सबैभन्दा कम बस एउटा कारबाहीमा परेका छन् । त्यस्तै ७५ वटा ट्याक्सी, २३ ट्रयाक्टर, १६ अट्टो र ११ ट्रक कारबाहीमा परेका छन् ।
साथै चालु आर्थिक वर्षमा एक महिला र एक पुरुष गरी दुई जनाको दुर्घटनामा परि मृत्यू भएको छ । तीन जना गम्भिर घाइते भएको जिल्ला ट्राफिक कार्यालय ताप्लेजुङले जनाएको छ ।
प्रतिक्रिया