ताप्लेजुङ, पुस २२ गते । ताप्लेजुङको घरेलु तथा साना उद्योग कार्यालयले ग्राफिक डिजाइन र वेब डिभलोपमेन्ट सम्बन्धी निशुल्क तालिम सञ्चालन गर्ने भएको छ । कार्यलयले आर्थिक वर्ष २०८२/८३ को वार्षिक स्वीकृत कार्यक्रम अन्तरगत उक्त तालिम सञ्चालन गर्ने भएको हो ।
तालिम ताप्लेजुङको फुङलिङ नगरपालिकामा सञ्चालन गरिने कार्यालयका प्रमुख उद्योग अधिकृत लक्ष्मी सुहाङले जानकारी दिनुभयो । उहाँका अनुसार तालिम १५० दिन सञ्चालन गरिने छ । ग्राफिक डिजाइन सम्बन्धी ३० जना र वेब डेभलपमेन्ट सम्बन्धी ३० जना गरी जम्मा ६० जनालाई तालिम प्रदान गरिने कार्यालयले जनाएको छ ।
तालिम लिन चाहनेले १५ दिन भित्र आवेदन पेश गर्नुपर्ने छ । आवेदकले एसईई पास सँगै आधारभूत कम्प्युटर तालिम प्राप्त गरेको हुनुपर्छ ।
प्रतिक्रिया