ताप्लेजुङ, पुस १८ गते । ताप्लेजुङ बहुउद्देश्यीय सहकारी संस्थाले आर्थिक वर्ष २०८१/८२ मा झण्डै ६२ लाख रुपियाँ बचत गरेको छ । सहकारी संस्थाले शुक्रबार २५ औं वार्षिक साधारणसभा मार्फत ९१ लाख ९८ हजार ५ सय १४ रुपियाँ बचत रहेको जानकारी गराएको हो ।
ताप्लेजुङकै पुरानो र प्रतिष्ठित मानिएको सहकारी संस्थाले आव २०८१/८२ मा ८ करोड २ लाख ९२ हजार २१ रुपियाँ आम्दानी गरेको साधारण सभा मार्फत आर्थिक प्रतिवेदन प्रस्तुत गर्नुहुँदै सहकारीका कोषाध्यक्ष खड्गबहादुर मोक्तान जानकारी दिनुभयो ।
उहाँका अनुसार जसमा ७ करोड ३४ लाख ८ हजार ७ सय ८३ रुपियाँ खर्च भएको छ । सहकारीले उक्त आर्थिक वर्षमा ७ करोड ८ लाख ८ हजार रुपियाँ आम्दानी हुने अनुमान गरेको थियो । चालु आर्थिक बर्ष २०८२/२०८३ का लागि भन सहकारीले ८ करोड ३९ लाख ८ हजार रुपियाँ आम्दानी गर्ने अनुमान गरेको छ ।
साधारणसभा मार्फत अध्यक्ष टामन सिग्देलले सहकारी संस्थाप्रति सदस्यहरूको अटुट विश्वास रहेको बताउँदै शेयर रकम ३ करोड ८७ लाख ८८ हजार २ सय रुपियाँ रहेको जानकारी दिनुभयो । उहाँका अनुसार सहकारीको बचत रकम भने १५ करोड ६० लाख ७७ हजार ७ सय २३ रुपियाँ हेको छ ।
यस्तै सहकारीले साधारण सभाको अवसरमा विभिन्न शेयरधनिहरुलाई पुरस्कृत समेत गरेको छ ।
प्रतिक्रिया