ताप्लेजुङ, मंसिर १४ गते । ताप्लेजुङको मेरिङदेन गाउँपालिका–५ थुकिमामा आयोजित दोस्रो साङधुङगे माङ्गेन कप दोस्रो संस्करणमा आज भएको खेलमा हाङपाङ, फुरुम्बु, सान्थाक्रा र आयोजक विजयी भएको छ ।
लिम्बूहरूको महान चाड चासोक तङ्नामको अवसरमा सञ्चालन भएको वडा स्तरीय पुरुष फुटबल प्रतियोगितामा आज चार खेल भएको थियो । जसमा पहिलो खेलमा हाङपाङले लिङखिमलाई २–१ गोल अन्तरले पाराजित गरेको छ । दोस्रो खेलमा फुरुम्बुले आठराई त्रिवेणी–४ चाँगेलाई पराजित गरको छ ।
यस्तै तेस्रो खेलमा सान्थाक्राले सिकैँचालाई १–० गोले पाराजित गरेको छ । चौथो यानकी आजको अन्तिम खेलमा आयोजकले साँवालाई २–० गोलले पराजित गरेको छ । हिजो भएको उद्घाटन खेलमा लिङ्तप र मैवाखोलाले विजयी सुरुवात गरेको छ । उद्घाटन खेलमा आयोजकलाई लिङतेप र थिङ्लाबुलाई मैवाखोलाले पराजित गर्दै विजयी यात्रा सुरु गरेको हो ।
चासोक तङनाम थुकिमा मूल सञ्चालन समितिको आयोजनामा सञ्चालन भएको प्रतियोगिताको विजेताले नगद एक लाख ५० हजार रुपैयाँ सहित ट्रफी, मेडल र प्रमाण पत्र प्राप्त गर्ने छन् भने दोस्रो हुनेले नगद एक लाख सहित ट्रफी, मेडल र प्रमाण पत्र प्राप्त गर्ने समितिका अध्यक्ष विशाल लङ्वाले बताउँनुभयो । उहाँका अनुसार खेल साथै विविध सांस्कृतिक कार्यक्रम पनि सञ्चालन हुने छ ।
प्रतिक्रिया