ताप्लेजुङमा चार पार्टी कार्यालय तोडफोड हुँदा ८३ लाख ७९ हजार बढीको क्षति

ताप्लेजुङ, भदौ ३१ गते । जेनजी आन्दोलनको समयमा ताप्लेजुङका विभिन्न राजनीतिक दलका पार्टी कार्यालय तोडफोड हुँदा ८३ लाख ७९ हजार बढी क्षति भएको छ । चार वटा पार्टी कार्यालय तोडफोड हुँदा ८३ लाख ७९ हजार ५३० रुपियाँ बराबरको क्षति भएको हो ।

नेपाली काँग्रेस, नेकपा एमाले, नेकपा (माओवादी केन्द्र) र राष्ट्रिय स्वतन्त्र पार्टी ९रास्वपा०ले क्षति विवरण बुझाएको जिल्ला प्रहरी कार्यालयका सूचना अधिकारी तथा प्रहरी निरीक्षक विवेक बस्नेतले जानकारी दिनुभएको छ । उहाँका अनुसार पार्टीतर्फ सबैभन्दा बढी क्षति एमालेको भएको विवरण पेश भएको छ ।

पेश गरिएको विवरण अनुसार एमालेको ५९ लाख ६० हजार ४० रुपियाँ बराबरको क्षति छ । नेपाली काँग्रेसको ११ लाख ४० हजार २ सय ४० रुपियाँ, रास्वपाको ७ लाख १८ हजार ७५० रुपियाँ र माओवादी केन्द्रको ५ लाख ७० हजार ५ सय रुपियाँ क्षति भएको छ । जेनजी आन्दोलनकै समयमा पहिचानवादी मोर्चाको कार्यालयमा समेत क्षति पुगेको उक्त पार्टी सम्वद्ध नेताहरूले सामाजिक सञ्जालमा लेखेका थिए ।

तर, उक्त कार्यालयको क्षति विवरण प्राप्त भइनसकेको प्रहरीले जनाएको छ । उक्त अवधिमा फुङलिङ नगरपालिका, पाथीभरा मन्दिरमा रहेको स्वास्थ्य साहयता केन्द्र र माथिल्लो तमोर जलविद्युत आयोजनाको एउटा भवनमा आगजनी भएको थियो ।

यस्तै सिदिङ्वा गाउँपालिकाको कार्यालय तोडफोड तथा कागजात लगिएको पालिका अध्यक्ष मानबहादुर राईले बताउनु भएको छ । नगरपालिकाले करिव साढे ५ करोड हाराहारी क्षति भएको अनौपचारिक रुपमा बताउँदै आएको छ ।