ताप्लेजुङमा आज १० बजेदेखी साँझ ५ बजेसम्म निषेधाज्ञा जारी

ताप्लेजुङ । ताप्लेजुङमा शान्ति सुरक्षा कायम राख्न भन्दै जिल्ला प्रशासन कार्यालय ताप्लेजुङले निषेधाज्ञा आदेश जारी गरेको छ । बिहिबार एक विज्ञप्ती जारी जिल्ला प्रशासन कार्यालयले शान्ति सुरक्षा भङ्ग हुन सक्ने अवस्थालाई मध्य नजर गरी बिहीबार बिहान १० बजेदेखी साँझ ५ बजेसम्मका लागि निषेधाज्ञा जारी गरिएको जनाएको हो ।

प्रशासनको विज्ञप्तीमा पूर्वमा मित्रराष्ट्र भारतको सिमानाबाट पश्चिम, पश्चिममा संखुवासभा जिल्लाको सिमानाबाट पूर्व, उत्तरमा मित्रराष्ट्र चीन, तिब्बतको सिमानाबाट दक्षिण र दक्षिणमा तेह्रथुम तथा पाँचथर जिल्लाको सिमानाबाट उत्तर क्षेत्रभित्र कफ्र्यू लागु हुने उल्लेख छ।
आदेशमा तोकिएको निषेधाज्ञा समयावधि भर बिना कुनै जानकारी ५ जना भन्दा बढी व्यक्ति आवत जावत नगर्न कुनै पनि प्रकारको भेला, जुलुस, प्रदर्शन, बैठक, घेराउजस्ता गतिविधि नर्गन आग्रह गरिएको छ । यस अघि बुधबार साँझ ५ बजेदेखी बिहिबार आज बिहान ६ बजेसम्मको लागि कफ्र्यु आदेश जारी गरिएको थियो ।