ताप्लेजुङ, भदौ ८ गते । तेस्रो ताप्लेजुङ अन्तरपालिका स्तरीय फुटसल प्रतियोगिताको उपाधि फुङलिङ नगरपालिकाले हात पारेको छ । फक्ताङलुङ गाउँपालिकालाई २–१ गो अन्तरले पराजित गर्दै फुङलिङ नगरपालिकाले उपाधि हात पारेको हो ।
ताप्लेजुङ सरोकार केन्द्रको स्थापना दिवसको अवसरमा खेलाइएको उक्त फुटसल प्रतियोगितामा ताप्लेजुङका विभिन्न पालिकाका १६ टिमको सहभागिता रहेको थियो । विजेता फुङलिङ नगरपालिकाले नगद एक लाख रुपियाँ सहित ट्रफी, मेडल र प्रमाण पत्र प्राप्त गरेको छ । यस्तै उपविजेता बन्न सफल फक्ताङलुङ गाउँपालिका नगद ५० हजार रुपियाँ सहित मेडल र प्रमाण पत्रमा चित्त बुझाउनु पर्यो ।
विजेता र उप विजेतालाई प्रमुख अतिथि प्रतिनिधिसभा सदस्य तथा पूर्वमन्त्री योगेश भट्टराईले नगद पुरस्कार तथा टफी वितरण गर्नु भएको थियो । विधागत तर्फ फुङलिङ नगरपालिका ‘बी’ का अरुण प्रतियोगिताको उत्कृष्ट गोलरक्षक बन्न सफ हुनुभयो । यस्तै फक्ताङलुङ गाउँपालिकाका अर्जुन लिम्बू प्रतियोगिता कै सर्वश्रेष्ठ खेलाडी घोषित हुनुभयो ।
उहाँहरूलाई जनही ५–५ हजार रुपियाँ र ट्रफी प्रदान गरिएको छ । त्यस्तै अनुशासित टोलीका रुपमा प्रतियोगिताको फेयर प्ले पुरस्कार आठराई त्रिवेणी गाउँपालिकाले प्राप्त गरेको छ । आठराई त्रिवेणीलाई नगद १० हजार रुपियाँ प्रदान गरिएको छ ।
प्रतिक्रिया