ताप्लेजुङ । काबेली–३ जलविद्युत् आयोजनाको परिक्षण उत्पादन सुरु भएको छ । ताप्लेजुङको सिरीजङ्घा गाउँपालिकामा रहेको काबेली हाइड्रोपावर कम्पनी लिमिटेडद्वारा प्रवर्द्धित उक्त काबेली–३ क्यास्केड जलविद्युत् आयोजना साउन २० गतेबाट परिक्षण उत्पादन सुरु गरेको हो ।
२१.९३ मेगावाट क्षता भएको यस जलविद्युत् आयोजनाको निर्माण कार्य २०७९ माघ ५ गते औपचारिक रुपमा सुरु भएको आयोजनाका जनसम्पर्क अधिकृत मेघनाथ ढुङ्गानाले बताउनु भयो । यो आयोजना सिरीजङ्घा गाउँपालिका वडा नं. ५, ६, र ७ स्थित काबेली खोलामा पर्दछ ।
कुल ४ अर्ब २८ करोड ५० लाख १ हजार रुपियाँ लागतमा निर्माण सम्पन्न यस आयोजनाको परिक्षण उत्पाद सुरु गरि राष्ट्रिय प्रसारण लाइनमा जोडिएको छ । आयोजनाबाट उत्पादन भएको विद्युत पाँचथरको हिलिहाङ गाउँपालिका वडा नं. १ अमरपुर दुबिचौरस्थित नेपाल विद्युत प्राधिकरणको १ सय ३२ केभिए विद्युत सबस्टेशनमा प्रसारण लाइनमार्फत राष्ट्रिय प्रसारण प्रणालीमा जोडिएको जनसम्पर्क अधिकृत ढुङ्गानाले जानकारी दिनुभयो ।
कुल लागतमध्ये २५ प्रतिशत स्वपूँजीबाट र ७५ प्रतिशत एनएमबि बैँक लिमिटेडको नेतृत्वमा प्रभु बैँक लिमिटेड तथा नबिल बैँक लिमिटेडबाट ऋण लगानीका उपलब्ध भएको आयोजनाले जनाएको छ ।
प्रतिक्रिया