ताप्लेजुङमा चालकको चक्कु प्रहारले सहचालक घाईते

रेडियो काबेली
ताप्लेजुङ । ताप्लेजुङमा मादक पदार्थ सेवन गरेका एक चालकले चक्कु प्रहार गर्दा सहचालक घाईते भएका छन् । आठराई त्रिवेणी गाउँपालिका ३ बस्ने चालक २३ वर्ष का हर्क बहादुर दर्लामी मगरले चक्कु प्रहार गर्दा मैवाखोला गाउँपालिका वडा नं.१ ढुङ्गेसाघु बस्ने वर्ष १९ का सागर मगर घाईते भएको जिल्ला प्रहरी कार्यालय ताप्लेजुङका प्रहरी प्रमुख प्रहरी नायब उपरीक्षक वेद प्रसाद गौतमले जानकारी दिनुभयो ।

उहाँका अनुसार चालक मगरले सहचालकलाई शुक्रबार राति ११ः३० बजे जिल्लाको फुङलिङ नगरपालिका–४ तमुचौकमा गाडीमा बसी रहेको अवस्थामा चक्कु प्रहार गरेका हुन् । चक्कुले सहचालकको टाउकोमा चोट लागेको र उनको हाल जिल्ला अस्पताल ताप्लेजुङमा उपचार भई रहको छ । चक्कु प्रहार गर्ने हर्क बहादुरलाई नियन्त्रणमा लिएर अनुसन्धान भई रहेको प्रहरीको भनाई छ ।