सोमबार सिरिजङ्घा गाउँपालिकाको सबै विद्यालयमा शोक बिदा 

ताप्लेजुङ । ताप्लेजुङको सिरिजङ्घा गाउँपालिकाले सामुदायिक तथा संस्थागत सबै विद्यालयहरूमा शोक बिदा दिने भएको छ । गाउँपालिकाको वडा नं. तीन स्थित सरस्वती माध्यमिक विद्यालयकी शिक्षिका भावना रसाइलीको मृत्युका कारण सबै विद्यालयमा शोक बिदा दिने भएको हो । 

पालिकाले एक विज्ञप्ति जारी गर्दै सोमबार एक दिन पालिका भरीका सामुदायिक तथा संस्थागत विद्यालयहरूमा शोक बिदा दिइएको जनाएको छ ।  शिक्षिका रसाइलीको आइतबार बिहान करिब ९ बजेको समयमा फुङलिङ नगरपालिका ११ फावाखोलाको बनपाला सडक खण्डमा बोलेरो दुर्घटना हुँदा मृत्यु भएको थियो । बोलेरो ब्रेक फेल भएर दुर्घटनामा परेको थियो ।

शिक्षिका फुङलिङ बजारबाट विद्यालय जाँदै गर्दा बोलेरो दुर्घटनामा परेको हो । मृतक रसाइली गत वर्ष मात्र शिक्षा सेवा आयोग उत्रिर्ण गरि उक्त विद्यालयमा पोष्टीङ हुनुभएको थियो ।