फक्ताङलुङ गाउँपालिकाको बजेट ५५ करोड ३७ लाख बढी 

ताप्लेजुङ । ताप्लेजुङको फक्ताङलुङ गाउँपालिकाले ५५ करोड ३७ लाख बढी बजेट प्रस्तुत गरेको छ । गाउँपालिकाको १८औं गाउँ सभा मार्फत उक्त बजेट प्रस्तुत गरिएको हो ।

गाउँपालिकाको उपाध्यक्ष रविन राम्रा विकासले आगामी आर्थिक वर्ष २०८२–८३ का लागि ५५ करोड ३८ लाख एक रुपियाँको बजेट प्रस्तुत गर्नुभएको छ । प्रस्तुत गरिएको बजेटमा सङ्घीय र प्रदेश सरकारको वित्तिय समानीकरण अन्तरगत क्रमश ११ करोड २३ लाख रुपियाँ र ९५ लाख ९६ हजार रुपियाँ रहेको छ । 

यस्तै राजश्व बाँडफाँड अन्तरगत सङ्घीय सरकारको १३ करोड ४ लाख र प्रदेश सरकारको ९५ लाख ९८ हजार रुपियाँ रहेको छ । सर्शत अनुदानतर्फ सङ्घीय सरकारको २१ करोड ९४ लाख रुपियाँ र प्रदेश सरकारको एक करोड ३१ लाख ४२ हजार रुपियाँ रहेको छ । 

विषेश अनुदानतर्फ सङ्घीय सरकारको दुई करोड ७० लाख रुपियाँ रहेको छ । समपूरक अनुदानतर्फ सङ्घीय सरकारको ९१ लाख र प्रदेश सरकारको १६ लाख रुपियाँ रहेको छ । आन्तरिक स्रोत ४९ लाख ९१ हजार एक रुपियाँ र गाउँपालिकाको अनुमानित आल्या ५० लाख रुपियाँ रहेको प्रस्तुत गरिएको बजेटमा उल्लेख गरिएको छ ।