ताप्लेजुङ। ताप्लेजुङको सिदिङ्वा गाउँपालिकामा रहेको ढङ्ढङुगे झरनाले प्रचार प्रसारको अभाव झेली रहेको छ । गाउँपालिकाको वडा नं. ५ लिम्बुदिन र वडा नं. ६ मेहेलेको सङ्म स्थलमा रहेको झरनाले प्रचार प्रसार पाउन नसकेको हो ।
झरनाको लम्बाइ अहिले सम्म मापन नगरिएको भए पनि २५० मिटर अग्लो रहेको अनुमान गरिएको सिदिङ्वा गाउँपालिका अध्यक्ष मान बहादुर राईले बताउनुभयो । झरना बर्खा याममा अति नै ठूलो भई ढङ्ग ढङ्गको आवज दिने भएकोले यसको नाम ढङ्ढङ्गे झरना राखिएको अध्यक्ष राईको भनाई छ ।
गाउँपालिकाको यस झरनाको प्रचार प्रसार गरी पर्यटन प्रवर्द्धन गर्न चाहन्छ । त्यसैले गाउँपालिकाले आगामी आर्थिक वर्षमा झरनाको महोत्सव साथै प्रचार प्रसार गर्नका लागि २० लाख बजेट समेत विनियोजन गरिसकेको छ ।
तस्विर : साहारा लिम्बू
प्रतिक्रिया