ताप्लेजुङ । मेरिङ्देन गाउँपालिकाले वडा नं. ४ का लिङ्तेपका कृषकहरूलाई होलिस्नि क्रस र जर्सी क्रस गाईको बाछी वितरण गरेको छ । दूधमा आत्मनिर्भर बनाउने उद्देश्यले लिङ्तेपका कृषकहरूलाई मङ्गलबार उन्नत जातको गाईको बाछी वितरण गरिएको हो ।
चालु आर्थिक वर्ष २०८१–८२ को गौरवको योजना अन्तर्गत गाईको बाछी वितरण गरिएको गाउँपालिका अध्यक्ष युकहाङ विर हाङ्गाम (डम्बर)ले बताउनुभयो । उहाँका अनुसार मेरिङदेन ४ लिङतेप भित्र रहेका समूहबाट छनोट गरेर निःशुल्क रुपमा गाई वितरण गरिएको हो ।
गाईको बाछी गाउँपालिका अध्यक्ष हाङगाम ४ नं. वडाध्यक्ष बेद प्रसाद हाङगामको उपस्थितिमा कृषकहरूलाई ८ वटा गाईको बाछी वितरण गरिएको छ । यस अघि ८ वटा सोही जातको गाईका बाछीहरू वितरण गरिएको थियो ।
साथै बाँकी रहेका ९ वटा गाईको बाछी छनौट गरिएका कृषकहरूलाई आगामी शुक्रबार वितरण ४ नं. वडाका वडाअध्यक्ष वेद प्रसाद हाङ्गामले जानकारी दिनुभएको छ ।
प्रतिक्रिया