ताप्लेजुङमा विभिन्न पार्टी परित्याग गरी ८७ जना नेपाली काँग्रेसमा प्रवेश

रेडियो काबेली
ताप्लेजुङ । ताप्लेजुङमा विभिन्न पार्टी परित्याग गरि ८७ जना नेपाली काँग्रेसमा प्रवेश गरका छन् । नेपाली काँग्रेस ताप्लेजुङको आयोजनामा मेरिङदेन गाउँपालिका वडा नम्बर ५ थुकिमा भएको बृहत आमसभामा उक्त संख्यामा नेपाली काँग्रेस पार्टी प्रवेश गरेका हुन् । जसमा नेकपा एमाले र नेकपा (विप्लब) पार्टी परित्याग गरि नाल्बु बाट ४६ जना, थिङ्लाबु बाट ३३ जना, थुकिमाबाट ४ जना र मिक्वाखोला बाट ४ पार्टी प्रवेश गरेको काँग्रेसले जनाएको छ ।

नेपाली काङ्ग्रेस केन्द्रिय सदस्य तथा शिक्षा विभाग प्रमुख साथै पूर्व नेविसंघ केन्द्रिय अध्यक्ष नैनसिंह महरको प्रमुख आतिथ्यता तथा कोशी प्रदेश सरकारका उद्योग, कृषि तथा सहकारी मन्त्री माननीय खगेनसिं हाङगाम, नेपाली काङ्ग्रेस ताप्लेजुङ जिल्ला सभापति गजेन्द्र तुम्याहाङ, सचिव तथा मेरिङ्देन गाउँपालिका अध्यक्ष डम्बर हाङगाम लगायतको उपस्थितिमा कार्यक्रम सम्पन्न भएको हो ।