ताप्लेजुङ । नेपाली सेना र भारतीय सेनाको संयुक्त टोलीले नेपालको दोस्रो तथा विश्वको तेस्रो अग्लो हिमशृङखला कञ्चनजङ्घा हिमालको आरोहण गर्नुभएको छ । नेपाली र भारतीय सेनाको संयुक्त टोलीले ताप्लेजुङमा अवस्थित ८ हजार ५ सय ८६ मिटर अग्लो कञ्चनजङ्घा हिमालको सफल आरोहण गर्नुभएको हो ।
दुई वटा समूहमा भएको उक्त आरोहणमा नेपाली सेनाका सेनानी गजेन्द्र देउवाको नेतृत्वमा १० र भारतीय सेनाका कर्नेल सर्फराज सिंहको नेतृत्वमा पाँच गरी १५ जनाले कञ्चनजङ्घा हिमालको सफल आरोहण गरेको सैनिक जनसम्पर्क तथा सूचना निर्देशनालयले जनाएको छ ।
दुवै देशका संयुक्त सैन्य आरोहण टोलीको भ्रमणका सम्बन्धमा नेपाल सरकार मन्त्रिपरिषद्को बैशाख दोस्रो साता बसेको बैठकले औपचारिक रुपमा स्वीकृत समेत प्रदान गरेको थियो । यस अघि पनि पाँच जना नेपालीसहित १० जनाले कञ्चनजङ्घा हिमालको सफल आरोहण गर्नुभएको थियो । हिमालको सेभेन समिट ट्रेक काठमाडौँले पाँच नेपाली सहित १० जनालाई सफल आरोहण गराएका थिए ।
उहाँहरूले मे १० अर्थात् २०८२ वैशाख २७ गते दिउँसो दुई बजेर १५ मिनटेमा १० आरोहीले कञ्चनजङ्घाको सफल आरोहण गर्नुभएको थियो ।
प्रतिक्रिया