ताप्लेजुङ । ताप्लेजुङको सिरिजङ्घा गाउँपालिकाले गोलिया निकासी ढुवानी बन्द गर्ने भएको छ । गाउँपालिकाको कच्ची सडकलाई मध्यनजर गर्दै गोलिया निकासी तथा ढुवानी बन्द गर्ने भएको हो ।
गाउँपालिकाले एक विज्ञप्ति जारी गर्दै गाउँपालिकामा बढी मात्रामा वर्षा हुने गरेको र गाउँपालिका क्षेत्रभित्र रहेका कच्ची सडकहरूबाट गोलिया निकासी ढुवानी गर्दा सडक बिग्रने, भत्कने, खाल्डो पर्ने, पहिरो जाने गरेको पाइएकोले गोलिया निकासी तथा ढुवानी आगामी जेठ १८ गतेबाट बन्द गर्ने जनाएको छ ।
वर्षा याममा गोलिया निकासी तथा ढुवानी गर्दा सडक बिग्रिएर विषेश गरि खाद्यान्न र यात्रुवाहक सवारी साधनहरू आवतजावत गर्न कठिन भई तिव्र गुनासो आएको हुँदा यस्तो सूचना प्रकाशन गरिएको गाउँपालिका उपाध्यक्ष डा।चित्र माबोले बताउनुभयो ।
उहाँका अनुसार आगामी जेठ १८ गतेदेखि गोलिया निकासी पूर्ण रुपमा बन्द गरिने भएकोले ट्याक्टर वा ट्रक मार्फत गोलिया ढुवानी गर्ने व्यवसायीहरूले समयमै आ९आफ्नो गोलिया निकासी गर्न पनि अनुरोध गरिएको छ ।
प्रतिक्रिया