ताप्लेजुङ । ताप्लेजुङमा कैद र जरिवाना भुक्तान गर्न बाँकी रहेका तीन जना फरार प्रतिवादी पक्राउ परेका छन् । जिल्ला अदालत ताप्लेजुङबाट विभिन्न मितिमा भएको फैसाला बमोजिम कैद र जरिवाना भुक्तान गर्न बाँकी भइ फरार रहेकाहरू पक्राउ परेका हुन् ।
सम्बन्ध विच्छेद मुद्दाका दुई जना र सवारी ज्यान मुद्दाका एक फरार प्रतिवादीलाई मङ्गलबार पक्राउ गरिएको सूचना अधिकारी तथा प्रहरी निरीक्षक विवेक बस्नेतले जानकारी दिनुभएको छ । उहाँका अनुसार उनीहरूलाई निजको घर घरबाट नै पक्राउ गरिएको हो ।
पक्राउ परेका तीनै जनालाई मङ्गलबार नै जिल्ला अदालत उपस्थित गराइएको छ ।
प्रतिक्रिया