पौडी खेल्ने क्रममा तमोर नदीले बगाउँदा फुलबारीका पुरुष वेपत्ता

रेडियो काबेली
ताप्लेजुङ । जिल्लाको आठराई त्रिवेणी गाउँपालिका–२ फुलबारीका एक पुरुष पौडी खेल्ने क्रममा तमोर नदिले बगाउँदा वेपत्ता हुनुभएको छ । शनिबार (आज) दिउँसो पालिकाको वडा नं. २ खुवा दोभान स्थित तमोर नदीमा पौडी खेल्न जानुभएका ंबर्ष ५६ को जित बहादुर बल तामाङ वेपत्ता हुनुभएको जिल्ला प्रहरी कार्यालय ताप्लेजुङका प्रहरी नायव उपरीक्षक रवि रावलले जानकारी दिनुभयो । उहाँका अनुसार वेपत्ताको खोज तथा उद्धारका लागि प्रहरीहरु परिचालन गरिएको छ । तमोर नदीको किनारमा वेपत्ता तामाङले पौडी खेल्नु अघि फुकालेर राख्नुभएका लुगा र चप्पल रहेको प्रहरीको भनाई छ। यता वडा अध्यक्ष टेकेन्द्र सेन्दाङका अनुसार तामाङ भाञ्जासँग जेसिबीले खनेको हेर्न जानुभएको र गर्मी भएको भन्दै पौडी खेल्न नदीमा पस्नु भएको र वेपत्ता हुनुभएको हो ।