ताप्लेजुङ । ताप्लेजुङको फक्ताङलुङ गाउँपालिका स्थित इखाबुमा बर्थिङ सेन्टर स्थापना भएको छ । गाउँपालिकाको वडा नम्बर चार इखाबुको सामुदायिक स्वास्थ्य इकाई सङसाबुमा बर्थिङ सेन्टर स्थापना भएको हो ।
बर्थिङ सेन्टरको फक्ताङलुङ गाउँपालिका वडा नम्बर चार इखाबुका वडाध्यक्ष महेश लाबुङ लिम्बू र स्वास्थ्य कार्यालय ताप्लेजुङका निमित्त प्रमुख कुलबहादुर पौडेलले संयुक्त रुपमा उद्घाटन गर्नु भएको छ ।
बर्थिङ सेन्टर सञ्चालनमा आएसंगै गर्भवति महिलाहरूले गर्भ जाँच गर्न र सुत्केरी हुनका लागि इखाबु तथा तापेथोक जानुपर्ने बाध्यता हट्ने फक्ताङलुङ गाउँपालिका स्वास्थ्य शाखा प्रमुख दिनेश भट्टराईले बताउनुभयो ।
फक्ताङलुङ गाउँपालिकामा एक आधारभूत अस्पताल, ७ वटा स्वास्थ्य चौकी, १६ वटा सामुदायिक स्वास्थ्य इकाई र ७ वटा बर्थिङ सेन्टरमार्फत स्वास्थ्य सेवा प्रवाह हुन थालेको छ ।
यस अघि फक्ताङलुङ गाउँपालिकाको सहकार्य र स्वास्थ्य कार्यालय ताप्लेजुङ सँगको समन्वयमा एक्सन फर नेपालले बर्थिङ सेन्टरका लागि आवश्यक पर्ने सामग्री तथा त्यहाँ कार्यरत कर्मचारीलाई तालिम समेत प्रदान गरेको छ ।
प्रतिक्रिया