फक्ताङलुङ गाउँपालिकामा ट्याक्टर दुर्घटना हुँदा एकको मृत्यु

ताप्लेजुङ । ताप्लेजुङको फक्ताङलुङ गाउँपालिकामा ट्याक्टर दुर्घटना हुँदा एक जनाको मृत्यु भएको छ । शनिबार साँझ करिब साढे ४ बजेको समयमा भएको दुर्घटनाबाट एक जनाको मृत्यु भएको हो । 

फक्ताङलुङ गाउँपालिकाको उपाध्यक्ष रविन लिम्बू साम्रा विकासका अनुसार मृत्यु हुनेमा फक्ताङलुङ गाउँपालिकाको लेलेप इलाडाँडाका २८ वर्षीय भुछिरिङ शेर्पा रहनुभएको छ । लेलेपबाट सदरमुकाम तर्फ आउने क्रममा लेलेपको चाँगामा ट्याक्टर दुर्घटनामा परेको बताइएको छ । 

यता सदरमुकामबाट प्रहरीको टोली खटाइएको जिल्ला प्रहरी कार्यालय ताप्लेजुङका प्रहरी नायब उपरीक्षक (डिएसपी) रवि रावलले जानकारी दिनुभयो । गत विहीबार सोही पालिकामा पिकअप दुर्घटनामा परि चालक पाँचथर सरोज श्रेष्ठको मृत्यु भएको थियो भने सहचालक सौजन श्रेष्ठको उपचार जारी रहेको छ ।