ताप्लेजुङ । कञ्चनजङ्घा पार्क सेन्टरको शिलान्यास गरिएको छ । ताप्लेजुङको फक्ताङलुङ गाउँपालिका वडा नम्बर पाँच तापेथोकमा निर्माण गर्न लागिएको कञ्चनजङ्घा पार्क सेन्टरको शुक्रबार शिलान्यास गरिएको हो ।
समृद्ध कञ्चनजङ्घा परियोजनाले निर्माण गर्न लागेको उक्त पार्कको शिलान्यास हिमालयन ट्रस युकेका अध्यक्ष ग्राम रिग्ली र विश्व वन्यजन्तु कोष (डब्लु डब्लु एफ नेपाल) का राष्ट्रिय प्रतिनिधि डा. घनश्याम गुरुङले गर्नुभएको छ ।
आन्तरिक वाह्य पर्यटकहरूलाई कञ्चनजङ्घा संरक्षण क्षेत्र र अन्य पर्यटकीय क्षेत्रका बारे जानकारी गराउँने (इन्फरमेसन डेक्स) को लागि उक्त पार्क निर्माण गर्न लागिएको कञ्चनजङ्घा संरक्षण क्षेत्र व्यवस्थापन परिषदका अध्यक्ष खगेन्द्र फेम्बूले बताउनुभयो ।
उहाँका अनुसार उक्त पार्क सेन्टर १२ रोपनी जग्गामा पाँच करोडको लागतमा निर्माण हुने छ ।
प्रतिक्रिया