लोकतान्त्रिक आदिवासी जनजाति महासङ्घ नेपाल, ताप्लेजुङको अध्यक्षमा गुरुङ

ताप्लेजुङ । नेकपा एमालेको भ्रातृसङ्गठन लोकतान्त्रिक आदिवासी जनजाति महासङ्घ नेपाल, ताप्लेजुङको अध्यक्षमा दुर्गा गुरुङ सर्वसम्मत चयन हुनु भएको छ । शुक्रबार नेकपा एमाले ताप्लेजुङको पार्टी कार्यालयमा सम्पन्न भएको दोश्रो जिल्ला अधिवेशनबाट गुरुङ अध्यक्षमा सर्वसम्मत चयन हुनु भएको हो ।

उपाध्यक्षद्वयमा अर्जुन आङबुहाङ, अनिता हेल्लोक, सचिवमा पदम राई, उपसचिवद्वयमा अस्मिता लिबाङ, लाक्पा शेर्पा (आशा) र कोषाध्यक्षमा मङ्गगलसिंह थलङ सहित २५ सदस्यीय जिल्ला कमिटी सर्वसम्मत चयन हुनु भएको छ ।

अधिवेशन नेकपा एमालेका केन्द्रीय कमिटी सचिव योगेश भट्टराईको प्रमुख आतिथ्यता र महासङ्घका केन्द्रीय सचिव कृष्णराज सुब्बाको विशेष आतिथ्यतामा सम्पन्न भएको छ ।