ताप्लेजुङ । ताप्लेजुङको फुङलिङ नगरपालिकाले शुक्रबार भोलि शोक बिदा दिने भएको छ । पूर्व कार्यकारी अधिकृत युवराज ढकालको निधनमा नगरपालिकाले शुक्रबार एक दिन शोक बिदा दिने भएको हो ।
निमित्त प्रमुख प्रशासकीय अधिकृत प्रकाश पौडेलका अनुसार शोक बिदाका दिन नगरपालिका र मातहतका सम्पूर्ण वडाका कार्यालयबाट प्राप्त हुने अतिआवश्यक बाहेक सबै सेवाहरू बन्द रहने छन् ।
मालपोत ललितपुर कार्यालयमा कार्यरत ढकाले हृदयका घातका कारण बुधबार निधन भएको थियो । ढकालले २०७३ साल चैतदेखि २०७४ असोजसम्म फुङलिङ नगरपालिकामा जिम्मेवारी निर्वाह गर्नु भएको थियो ।
प्रतिक्रिया