ताप्लेजुङमा जबरजस्ती करणी उद्योगको अभियोगमा एक जना पक्राउ

ताप्लेजुङ । ताप्लेजुङमा जबरजस्ती करणी उद्योगको अभियोगमा एक जना पक्राउ परेका छन् । ५१ वर्षीया महिलालाई जबरजस्ती करणी उद्योग गरेको अभियोगमा फुङलिङ नगरपालिकाका ४३ वर्षीय पुरुष पक्राउ परेका हुन् ।

आरोपित पुरुषले मादक पदार्थ सेवन गरी जबरजस्ती करणी उद्योग गरेको भन्दै पीडित महिलाले बुधबार जाहेरी दिएको आधारमा युवकलाई पक्राउ गरेको प्रहरी निरीक्षक रोहित कुमार शर्मा बढईले जानकारी दिनुभयो । उहाँका अनुसार आरोपित पुरुषलाई बुधबार नै फुङलिङ नगरपालिकाबाट पक्राउ गरिएको हो ।

आरोपित पुरुषलाई बुधबार जिल्ला अदालत ताप्लेजुङबाट सात दिनको म्याद थप भई अनुसन्धान अगाडि बढाइएको जिल्ला प्रहरी कार्यालय ताप्लेजुङले जनाएको छ ।